Numeros 26
26
Ang Ikaduha nga Pagpangsenso
1Sa#Num. 1:1-46. tapos sang pamalatian, ang Ginoo nagsiling kay Moises kag kay Eleazar nga anak ni Aaron, 2“Pang-isipa ninyo ang bug-os nga katilingban sang Israel suno sa mga panimalay, ang tanan nga mga lalaki nga nagaedad sing baynte ka tuig paibabaw nga makasarang sa pagpakig-away para sa pungsod.” 3-4Si Moises kag si Eleazar nagtuman kag gintawag nila sing tingob ang tanan nga mga lalaki sa amo nga edad. Nagtipon sila sa mga kapatagan sang Moab sa tabok sang Suba sang Jordan halin sa Jerico.
Amo ini ang mga Israelinhon nga naggwa sa Ehipto:
5Ang tribo ni Ruben, panganay nga anak ni Jacob amo ang mga kabarangayan nanday Hanoc, Palu, 6Hezron, kag Carmi. 7Ang kadamuon sini nga mga kabarangayan 43,730 ka mga lalaki. 8Ang mga kaliwat ni Palu amo si Eliab, 9kag ang iya mga anak nga lalaki amo sanday Nemuel, Datan, kag Abiram. (Si Datan kag si Abiram amo sadto ang ginpili sang katilingban kag ila ginsumpong si Moises kag si Aaron kag nagbuylog sila sa mga sumolunod ni Core, sang pagrebelde nila batok sa Ginoo. 10Nag-abri ang duta kag ginhalunhon sila, kag nagkalamatay sila upod kay Core kag sang iya mga sumolunod, sang ginsunog sang kalayo ang 250 ka mga lalaki. Nanginpaandam sila sa mga tawo. 11Pero ang mga anak nga lalaki ni Core wala ginpamatay.)
12Ang tribo ni Simeon amo ang mga kabarangayan nanday Nemuel, Jamin, Jaquin, 13Zera, kag Shaul. 14Ang kadamuon sini nga mga kabarangayan 22,200 ka mga lalaki.
15Ang tribo ni Gad amo ang mga kabarangayan nanday Zefon, Hagi, Suni, 16Ozni, Eri, 17Arod, kag Areli. 18Ang kadamuon sini nga mga kabarangayan 40,500 ka mga lalaki.
19-21Ang tribo ni Juda amo ang mga kabarangayan nanday Sela, Perez, Zera, Hezron, kag Hamul. Ang duha sang mga anak nga lalaki ni Juda nga sanday Er kag Onan, napatay sa duta sang Canaan. 22Ang kadamuon sini nga mga kabarangayan 76,500 ka mga lalaki.
23Ang tribo ni Isacar amo ang mga kabarangayan nanday Tola, Puva, 24Jasub, kag Simron. 25Ang kadamuon sini nga mga kabarangayan 64,300 ka mga lalaki.
26Ang tribo ni Zabulon amo ang mga kabarangayan nanday Sered, Elon, kag Jaleel. 27Ang kadamuon sini nga mga kabarangayan 60,500 ka mga lalaki.
28Ang tribo ni Jose gintunga sa iya duha ka mga anak nga amo sanday Manases kag Efraim.
29Amo ini ang tribo ni Manases. Si Maquir nga anak ni Manases amo ang amay ni Galaad, kag ang masunod nga mga kabarangayan amo ang mga kaliwat ni Galaad: 30mga kabarangayan nanday Izer, Helek, 31Asriel, Siquem, 32Semida, kag Hefer. 33Si Zelofehad nga anak ni Hefer wala sing mga anak nga lalaki, kundi mga babayi lamang; ang ila mga ngalan amo sanday Mala, Noa, Hogla, Milca, kag Tirsa. 34Ang kadamuon sini nga mga kabarangayan 52,700 ka mga lalaki.
35Ang tribo ni Efraim amo ang mga kabarangayan nanday Sutela, Bequer, kag Tahan. 36Ang barangay ni Eran mga kaliwat ni Sutela. 37Ang kadamuon sini nga mga kabarangayan 32,500 ka mga lalaki.
Ini amo ang mga kabarangayan nga mga kaliwat ni Jose.
38Ang tribo ni Benjamin amo ang mga kabarangayan nanday Bela, Asbel, Ahiram, 39Sufam, kag Hufam. 40Ang mga kabarangayan ni Ard kag ni Naaman mga kaliwat ni Bela. 41Ang kadamuon sini nga mga kabarangayan 45,600 ka mga lalaki.
42Ang tribo ni Dan amo ang kabarangayan ni Suham, 43nga ang kadamuon 64,400 ka mga lalaki.
44Ang tribo ni Aser amo ang mga kabarangayan nanday Imna, Isvi, kag Berias. 45Ang mga kabarangayan ni Heber kag ni Malquiel mga kaliwat ni Berias. 46Si Aser may anak nga babayi nga si Sera. 47Ang kadamuon sini nga mga kabarangayan 53,400 ka mga lalaki.
48Ang tribo ni Neftali amo ang mga kabarangayan nanday Jazeel, Guni, 49Heser, kag Silem. 50Ang kadamuon sini nga mga kabarangayan 45,400 ka mga lalaki.
51Ang bug-os nga kadamuon sang mga Israelinhon nga mga lalaki 601,730.
52Ang#Num. 34:13; Jos. 14:1-2. Ginoo nagsiling kay Moises, 53“Partiha ang duta sa mga tribo, suno sa ila kadamuon. 54-56Partihon mo ang duta paagi sa pagabutgabot kag hatagi sing daku nga bahin ang daku nga tribo kag diutay nga bahin ang diutay nga tribo.”
57Ang tribo ni Levi gintapuan sang mga kabarangayan nanday Gerson, Kohat, kag Merari. 58Ang mga kaliwat sang mga Levita naglakip sang magamay nga kabarangayan nanday Libni, Hebron, Mali, Musi, kag Core. Si Kohat amo ang amay ni Amram, 59nga ang iya asawa amo ang anak ni Levi nga si Jocabed nga natawo sa Ehipto. Nagbata sia sa kay Amram sing duha ka mga anak nga lalaki, nga amo sanday Aaron kag Moises, kag isa ka anak nga babayi nga si Miriam. 60Si#Num. 3:2. Aaron may apat ka mga anak nga lalaki nga amo sanday Nadab, Abiu, Eleazar, kag Itamar. 61Si#Lev. 10:1-2; Num. 3:4. Nadab kag si Abiu napatay sang paghalad nila sang kalayo nga indi balaan sa Ginoo. 62Ang kadamuon sang mga lalaki nga Levita nga nagaedad sing isa ka bulan paibabaw 23,000. Ginlista sila sing pain gikan sa iban nga mga Israelinhon, tungod kay wala sila ginhatagi sing bisan ano nga pagkabutang sa Israel.
63Ini tanan nga mga kabarangayan ginlista ni Moises kag ni Eleazar sang pagpangsenso nila sang mga Israelinhon sa mga kapatagan sang Moab sa tabok sang Suba sang Jordan halin sa Jerico. 64Wala sing bisan isa ka lalaki nga nabilin sa nahauna nga pagpangsenso ni Moises kag ni Aaron didto sa Desierto sang Sinai. 65Ang#Num. 14:26-35. Ginoo nagsiling nga yadto sila tanan magakalamatay sa desierto, kag wala gid sing may nabilin sa ila, luas lamang kay Caleb nga anak ni Jefone kag kay Josue nga anak ni Nun.
Currently Selected:
Numeros 26: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
