Numeros 12
12
Si Miriam Ginsilutan
1Si Moises nagpangasawa sang isa ka babayi nga Cushanon,#12:1 Cushanon: ukonMidianhon; ukontaga-Etiopia. kag si Miriam kag si Aaron nagpakalain kay Moises tungod sini. 2Nagsiling sila, “Paagi#12:2 Paagi: ukonSa. kay Moises lang bala nagahambal ang Ginoo? Wala man bala sia maghambal paagi sa aton?” Nabatian sang Ginoo ang ila ginsiling. (3Si#Sir. 45:4. Moises isa ka mapainuboson nga tawo labi pa ka mapainuboson sang sa kay bisan sin-o sa duta.)
4Sa hinali ang Ginoo nagsiling kanday Moises, Aaron, kag Miriam, “Luyag ko nga maggwa kamo nga tatlo pakadto sa Tolda sang akon presensya.” Nagkadto sila, 5kag ang Ginoo nagpanaog sa dagway sang isa ka haligi nga panganod, nagtindog sa pwertahan sang Tolda kag nagtawag “Aaron! Miriam!” Sila nga duha nagkadto sa una, 6kag ang Ginoo nagsiling, “Karon magpamati kamo sang akon isiling! Kon may mga propeta sa tunga ninyo, ginapahayag ko ang akon kaugalingon sa ila sa mga palanan-awon kag nagahambal ako sa ila paagi sa mga damgo. 7Lain#Heb. 3:2. gid kon maghambal ako kay Moises nga akon alagad. Ginhimo ko sia nga pangulo sang tanan ko nga mga tawo nga Israelinhon.#12:7 Ginhimo ko sia…Israelinhon: ukonsarang sia masaligan sang tanan ko nga mga bulohaton. 8Gani nagahambal ako sa iya nga nagaatubangay gid kami, sa maathag kag indi paagi sa mga paktakon; nakita gani niya ang akon dagway! Ngaa bala nagpangahas kamo sa paghambal batok sa akon alagad nga si Moises?”
9Ang Ginoo naakig sa ila, gani sa iya paghalin 10kag paghalin sang panganod sa Tolda, ang panit ni Miriam sa hinali lang naputos sang makalalaton nga balatian kag nagputi gid ini kaayo. Sang pagtan-aw ni Aaron sa iya kag nakita niya nga naputos sia sing balatian, 11nagsiling sia kay Moises, “Kon mahimo, indi kami pagpaantusa sa sining silot tungod sang amon binuang nga sala. 12Indi sia paghimua nga daw natawo nga patay nga ang katunga sang iya unod naupod.”
13Gani si Moises nagpanawag sa Ginoo, “O Dios, ayuha sia!”
14Ang#Num. 5:2-3. Ginoo nagsabat, “Abi kon ang iya amay magdupla sa iya guya magaantos sia sing kahuloy-an sa sulod sang pito ka adlaw. Gani pagwaa sia sa kampo sa sulod sang isa ka simana, kag pagkatapos sini pabalika sia.” 15Si Miriam ginpagwa sa kampo sa sulod sang isa ka simana, kag ang mga tawo wala maglakat tubtob nga ginpabalik si Miriam. 16Dayon naghalin sila sa Hazerot kag naghimo sila sang kampo sa desierto sang Paran.
Currently Selected:
Numeros 12: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
