Levitico 19
19
Mga Kasugoan sang Pagkabalaan kag Pagkamatarong
1Ginsugo sang Ginoo si Moises, 2nga#Lev. 11:44-45; 1 Ped. 1:16. isiling sa katilingban sang Israel: “Magpakabalaan kamo, tungod kay ako balaan, ako amo ang Ginoo nga inyo Dios. 3Ang#Exo. 20:12; Deut. 5:16; Exo. 20:8; Deut. 5:12. kada-isa sa inyo kinahanglan magtahod sa iya iloy kag sa iya amay, kag magtuman sang Adlaw nga Inugpahuway, suno sa akon ginsugo. Ako ang Ginoo nga inyo Dios.
4“Indi#Lev. 26:1; Exo. 20:23; 34:17; Deut. 17:2-5. ninyo ako pagsikwaya kag magsimba sa mga diosdios, indi kamo maghimo kag magsimba sa mga dios nga metal. Ako amo ang Ginoo nga inyo Dios.
5“Kon mag-ihaw kamo sang isa ka sapat para sa halad sa paghiambit, tumana ang mga pagsulondan nga akon ginhatag sa inyo, kag batunon ko ang halad. 6Kinahanglan kaunon ang karne sa adlaw nga gin-ihaw ang sapat ukon sa madason nga adlaw. Ang karne nga mabilin sa ikatlo nga adlaw kinahanglan sunogon, 7tungod kay di-matinlo ini, kag ang bisan sin-o nga magkaon sini, indi ko pagbatunon ang halad. 8Ang bisan sin-o nga magkaon sini magapakasala tungod kay ginakabig niya subong di-balaan ang ginhalad sa akon, kag indi na sia pagkabigon nga isa sang akon mga tawo.
9“Kon#Lev. 27:15; Deut. 24:19-22. mag-ani kamo sa inyo mga uma, indi ninyo pag-uroton sing ani ang mga yara sa higad sang uma, kag indi pagsaghawa ang mga nabilin nga mga uhay. 10Indi na kamo magbalik sa inyo mga talamnan sang ubas sa pag-ipo sang mga bunga nga nabilin ukon sa pagpamulot sang mga nagkaladagas, ibilin ninyo ini sa mga imol nga mga tawo kag mga dumoluong. Ako amo ang Ginoo nga inyo Dios.
11“Indi#Exo. 20:15; Deut. 5:19; Exo. 20:16; Deut. 5:20. kamo magpangawat ukon magdinaya ukon magbutig. 12Indi#Exo. 20:7; Deut. 5:11; Mat. 5:33. kamo magsaad sa akon ngalan kon wala kamo sing tuyo sa pagtuman sini, magapakahuya ini sa akon ngalan. Ako amo ang Ginoo nga inyo Dios.
13“Indi#Deut. 24:14-15. pagpamintahai ang bisan sin-o ukon pangawatan mo sia. Indi paghawiri ang sweldo sang ginpaobra mo nga tawo, bisan isa lamang ka gab-i. 14Indi#Deut. 27:18. pagpakamalauta ang bungol nga tawo ukon magbutang sing makapasandad sa alagyan sang bulag. Magtahod kamo sa akon, ako amo ang Ginoo nga inyo Dios.
15“Magmanginmatarong#Exo. 23:6-8; Deut. 16:19. sa bisan kay sin-o sa imo paghukom sa mga asunto, indi ka magpakita sing pagpasulabi sa imol ukon magkahadlok sa manggaranon. 16Indi ka magsugid sing mga binutig nahanungod sa bisan kay sin-o, kag kon may yara nga ginahukman nga nagakahulogan sang iya kabuhi ukon kamatayon, magasugid ka sang imo panaksihon nga sarang makabulig sa iya. Ako amo ang Ginoo.
17“Indi#Mat. 18:15. ka maghupot sing dumot sa bisan kay sin-o, kundi husaya ang imo kasuayon sa iya, agod indi ikaw makapakasala tungod sa iya.#19:17 agod…iya: ukonagod indi ikaw maghimo sini nga sala batok sa iya. 18Indi#Mat. 5:43; 19:19; 22:39; Mar. 12:31; Luc. 10:27; Rom. 13:9; Gal. 5:14; San. 2:8. ka magtimalos sa bisan kay sin-o ukon magpadayon sa pagkaakig sa iya, kundi higugmaa ang imo isigkatawo pareho sang imo kaugalingon. Ako amo ang Ginoo.
19“Tumana#Deut. 22:9-11. ang akon mga sugo. Indi mo pagpaliwatan ang mga hayop sang lain nga sahi. Indi ka magtanom sing duha ka sahi sang binhi sa isa lang ka ulomhan. Indi ka magsuksok sing bayu nga nahabol sa duha ka sahi sang halablon.
20“Kon ang isa ka tawo magpakighirop sa isa ka ulipon nga babayi nga ginsaad sa isa ka lalaki, bisan nga wala pa makabayad ang ginsaaran nga lalaki para sa sini nga babayi, dayon ang ulipon nga babayi kag ang tawo nga nagpakighirop sa iya dapat pagasilutan. Pero indi sila pagpatyon, tungod kay ang babayi wala pa mahilway. 21Ang tawo magadala sing isa ka karnero nga lalaki sa pwertahan sang Tolda sang akon presensya subong iya halad nga bayad, 22kag paagi sini ang pari magahimo sang tulomanon sa pagpaninlo sa pagkuha sang sala sang amo nga tawo, kag ako magapatawad sa iya.
23“Kon mag-abot kamo sa duta sang Canaan, kag magtanom sang bisan ano nga kahoy nga nagapamunga, kabiga ninyo nga di-matinlo ang bunga sang kahoy sa nahauna nga tatlo ka tuig. Indi gid ninyo pagkan-a ini. 24Sa ikap-at nga tuig ang tanan nga bunga sang kahoy ihalad subong isa ka dulot sa pagpakita sang inyo pagpasalamat sa akon,#19:24 sa pagpakita sang inyo pagpasalamat sa akon: ukonsa pagdayaw sa akon. ang Ginoo. 25Pero sa ikalima nga tuig sarang na kamo makakaon sang bunga sang kahoy. Kon himuon ninyo ini, ang inyo mga kakahuyan magapamunga sing madamo. Ako amo ang Ginoo nga inyo Dios.
26“Indi#Gen. 9:4; Lev. 7:26-27; 17:10-14; Deut. 12:16, 23; 15:23; Deut. 18:10. kamo magkaon sang karne nga may yara pa nga dugo sa sini. Indi kamo maghimo sang bisan ano nga sahi sang pagbinabaylan ukon pagpamakot. 27Indi#Lev. 21:5; Deut. 14:1. ninyo pag-utdan ang inyo buhok sa palibot sang inyo ulo ukon pagkortehan ang inyo bungot, 28ukon magpilas sang inyo lawas sa pagpangasubo para sa patay ukon magbutang sang pika sa inyo lawas. Ako amo ang Ginoo.
29“Indi#Deut. 23:17. pagpakahuy-i ang imo mga anak nga babayi paagi sa paghimo sa ila nga makihilawason nga mga babayi sa templo,#19:29 MAKIHILAWASON NGA MGA BABAYI SA TEMPLO: Ini nga mga babayi masapwan sa mga templo sang mga Canaanhon, sa diin ginasimba ang mga dios nga nagapatambok sang mga tanom. Ginapatihan nga ang pagpakighilawas sa sini nga mga babayi nagakahulogan sang mapatubason nga mga uma kag mga kasapatan. kon himuon mo ini, magadangop ka sa iban nga mga dios kag ang duta mapuno sang kalautan. 30Tumana#Lev. 26:2. ninyo ang kasugoan sang Adlaw nga Inugpahuway, kag tahura ninyo ang lugar sa diin ako ginasimba. Ako amo ang Ginoo.
31“Indi#Deut. 18:11; 1 Sam. 28:3; 2 Hari 23:4; Isa. 8:19. kamo magpangayo sing laygay sa mga tawo nga nagapakig-angot sa mga espiritu sang patay nga mga tawo. Kon himuon ninyo ini madagtaan kamo. Ako amo ang Ginoo nga inyo Dios.
32“Tahura ninyo ang mga tigulang kag pasidunggi sila. Magkahadlok ka sa akon; ako amo ang Ginoo.
33“Indi#Exo. 22:21; Deut. 24:17-18; 27:19. ninyo pagdaugdaoga ang mga dumoluong nga nagaestar sa inyo duta. 34Kabiga sila pareho sang inyo kapareho nga mga Israelinhon, kag higugmaa sila pareho sang inyo paghigugma sang inyo kaugalingon. Dumdoma ninyo nga kamo anay mga dumoluong sa duta sang Ehipto. Ako amo ang Ginoo nga inyo Dios.
35“Indi#Deut. 25:13-16; Hulo. 20:10; Ezeq. 45:10. pagdayai ang bisan sin-o paagi sa paggamit sang indi husto nga talaksan, timbangan ukon sulokban. 36Maggamit sang husto nga mga talaksan, husto nga mga timbangan, kag husto nga mga sulokban. Ako amo ang Ginoo nga inyo Dios, kag ginpagwa ko kamo sa duta sang Ehipto. 37Tumana ninyo ang tanan ko nga mga kasugoan kag sugo. Ako amo ang Ginoo.”
Currently Selected:
Levitico 19: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
