Levitico 17
17
Ang Pagkabalaan sang Dugo
1Ang Ginoo nagsugo kay Moises: 2“Ihambal kay Aaron kag sa iya mga anak nga lalaki kag sa tanan nga mga tawo sang Israel ang masunod nga mga pagsulondan: 3-4Ang isa ka Israelinhon nga mag-ihaw sing baka ukon karnero ukon kanding subong isa ka halad sa akon sa iban nga lugar luas sa pwertahan sang Tolda sang akon presensya nakalapas sang Kasugoan. Nagpaagay sia sing dugo kag indi na sia pagkabigon nga isa sang akon mga tawo. 5Ang buot silingon sini nga kasugoan amo nga ang mga tawo sang Israel sugod karon, magadala sa akon sang mga sapat nga ila anay ginapatay sa wayang. Ila na karon ini dalhon sa pari sa pwertahan sang Tolda kag ihawon nila ini subong mga halad sa paghiambit. 6Ang pari magaula sang dugo sa mga kilid sang altar sa pwertahan sang Tolda kag sunogon niya ang sapay agod maggwa ang kahamot nga manginkahalamut-an sa akon. 7Ang mga tawo sang Israel indi na maglapas sa akon paagi sa pag-ihaw sang ila mga sapat sa kaumhan subong mga halad sa mga demonyo nga daw kanding. Ang mga tawo sang Israel dapat magtuman sini nga pagsulondan sa tanan nga panahon nga palaabuton.
8“Ang bisan sin-o nga Israelinhon ukon dumoluong nga nagaestar sa katilingban nga magdulot sang isa ka halad nga sinunog ukon bisan ano nga iban nga dulot 9subong isa ka halad sa akon bisan diin luas sa pwertahan sang Tolda, indi na pagkabigon nga isa sang akon mga tawo.
10“Ang#Gen. 9:4; Lev. 7:26-27; 19:26; Deut. 12:16, 23; 15:23. bisan sin-o nga Israelinhon ukon dumoluong nga nagaestar sa katilingban nga magkaon sang karne nga yara pa ang dugo sa sini, manginbatok ako sa iya kag indi na sia pagkabigon nga isa sang akon mga tawo. 11Ang#Heb. 9:22. kabuhi sang tagsa ka nagakabuhi nga butang yara sa dugo, kag tungod sini nagmando ako nga ang tanan nga dugo iula sa altar sa pagkuha sang mga sala sang mga tawo. Ang dugo nga amo ang kabuhi, nagakuha sang mga sala. 12Amo man ini ang kabangdanan nga ako nagasiling sa mga katawhan sang Israel nga sila ukon ang bisan sin-o nga dumoluong nga nagaestar upod sa ila indi magkaon sang bisan ano nga karne nga yara pa ang dugo sa sini.
13“Kon ang bisan sin-o nga Israelinhon ukon dumoluong nga nagaestar sa katilingban makadakop sing sapat ukon pispis nga matinlo, dapat iya iula ang dugo sini sa duta kag tabunan ini sang duta. 14Ang kabuhi sang tagsa ka nagakabuhi nga butang yara sa dugo, kag tungod sini ako nagasiling sa mga katawhan sang Israel nga indi sila magkaon sang bisan ano nga karne nga yara pa ang dugo sa sini, kag nga ang bisan sin-o nga magkaon sini indi na pagkabigon nga isa sang iya mga tawo.
15“Ang bisan sin-o nga Israelinhon ukon dumoluong nga magkaon sang karne sang sapat nga napatay ukon ginpatay sang mapintas nga mga sapat kinahanglan maglaba sang iya mga bayu, magpaligo, kag maghulat tubtob sa gab-i sa wala pa sia magmanginmatinlo. 16Kon indi sia, kinahanglan magaantos sia sang bungahon sini.”
Currently Selected:
Levitico 17: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
