Levitico 16
16
Ang Adlaw sang Pagtubos
1Ang Ginoo naghambal kay Moises sa tapos mapatay ang duha ka mga anak nga lalaki ni Aaron nga nagkalamatay sang paghalad nila sa Ginoo sang di-balaan nga kalayo. 2Nagsiling#Heb. 6:19. sia, “Singgana ang imo utod nga si Aaron nga sa nagakaigo lamang nga tion magsulod sia sa likuran nga bahin sang kurtina pakadto sa Labing Balaan nga Duog, tungod kay didto ako nagapahayag sa isa ka panganod sa ibabaw sang takop sang Kaban sang Kasugtanan. Kon maglapas sia sini, mapatay sia. 3Makasulod#Heb. 9:7. lamang sia sa Labing Balaan nga Duog sa tapos na sia makadala sang torite nga baka para sa halad tungod sa sala kag isa ka karnero nga lalaki para sa halad nga sinunog.
4“Sa wala pa magsulod si Aaron sa Labing Balaan nga Duog, kinahanglan magpaligo sia kag magsuksok sang mga bayu sang pari: ang sutana nga lino kag ang karsonsilyo, ang paha, kag ang turbante.
5“Ang katilingban sang Israel magahatag kay Aaron sing duha ka toro nga mga kanding para sa halad tungod sa sala kag isa ka karnero nga lalaki para sa halad nga sinunog. 6Magadulot sia sing isa ka toro nga baka subong isa ka halad sa pagkuha sang iya kaugalingon nga mga sala kag sang mga sala sang iya panimalay. 7Dayon dalhon niya ang duha ka mga kanding sa pwertahan sang Tolda sang akon presensya. 8Didto magapagabutgabot sia, nga nagagamit sang duha ka bilog nga bato, ang isa namarkahan sang ‘para sa Ginoo’ kag ang isa sang ‘para kay Azazel.’#16:8 AZAZEL: Ang kahulogan sining Hebreo nga pulong wala mahibal-i. Ayhan ngalan ini sang demonyo sa desierto. 9Ihalad ni Aaron ang kanding nga napilian paagi sa pagabutgabot para sa akon kag idulot niya ini subong isa ka halad tungod sa sala. 10Ang kanding nga napilian para kay Azazel pagadalhon nga buhi sa akon atubang kag ipadala sa desierto pakadto kay Azazel, agod sa pagkuha sang mga sala sang mga tawo.
11“Kon idulot ni Aaron ang toro nga baka subong halad tungod sa sala para sa iya kaugalingon kag sa iya panimalay, 12magakuha sia sing insensario nga puno sing baga halin sa altar kag duha ka hakop sang mahamot nga insyenso kag dalhon niya ini sa Labing Balaan nga Duog. 13Didto sa akon atubang, iya ibutang ang insyenso sa kalayo, kag ang aso sang insyenso magalikop sang takop sang Kaban sang Kasugtanan agod nga indi niya makita ini kag indi sia mapatay. 14Magakuha sia sing dugo sang toro nga baka kag paagi sa iya tudlo iwisik niya ini sa atubangan sang takop, kag dayon iwisik niya ini sing makapito sa atubangan sang Kaban sang Kasugtanan.
15“Sa#Heb. 9:12. tapos sini, ihawon niya ang kanding para sa halad tungod sa sala para sa mga tawo, dalhon niya ang dugo sini sa sulod sang Labing Balaan nga Duog, kag iwisik niya ini sa takop kag dayon sa atubangan sang Kaban sang Kasugtanan, subong sang iya ginhimo sa dugo sang toro nga baka. 16Sa sini nga paagi himuon niya ang tulomanon sa pagtinlo sang Labing Balaan nga Duog gikan sa pagkadi-matinlo sang mga tawo sang Israel kag sa tanan nila nga mga sala. Kinahanglan himuon man niya ini sa Tolda, tungod kay nagatindog ini sa tunga sang kampo nga di-matinlo. 17Kinahanglan nga wala sing isa nga yara sa Tolda, halin sa tion nga magasulod si Aaron sa Labing Balaan nga Duog sa paghimo sang tulomanon sa pagpaninlo tubtob sa iya paggwa. Sa tapos niya mahimo ang tulomanon para sa iya kaugalingon, sa iya panimalay, kag sa bug-os nga katilingban, 18kinahanglan maggwa sia pakadto sa altar para sa mga halad nga sinunog kag tinloan niya ini. Kinahanglan magkuha sia sing dugo sang toro nga baka kag sang dugo sang kanding kag ihamlit ini sa bug-os nga mga sungaysungay nga yara sa mga pamusod sang altar. 19Paagi sa iya tudlo dapat iwisik niya sing makapito ang iban nga dugo sa altar. Sa sini nga paagi tinloan niya ini gikan sa mga sala sang mga tawo sang Israel kag pakabalaanon ini.
Ang Kanding nga Magadala sang Sala
20“Sa tapos mahimo ni Aaron ang tulomanon sa pagtinlo sang Labing Balaan nga Duog, ang iban nga bahin sang Tolda sang akon presensya, kag ang altar, iya ihalad ang buhi nga kanding sa akon atubang para kay Azazel.#16:20 AZAZEL: Tan-awa ang 16:8. 21Itungtong#Tob. 8:3. niya ang iya duha ka mga kamot sa ulo sang kanding kag sa ibabaw sini ituad niya ang tanan nga mga kalautan, mga sala, kag ang mga pagrebelde sang mga tawo sang Israel, kag ibutang ini tanan sa ulo sang kanding. Dayon ang kanding tabugon sang isa ka tawo nga gintugyanan sa paghimo sini pakadto sa desierto. 22Ang kanding magadala palayo sang tanan nga mga sala nila pakadto sa duta nga wala sing may nagaestar.
23“Dayon#Ezeq. 44:19. magasulod si Aaron sa Tolda, ubahon niya ang mga bayu sang pari nga iya ginsuksok sa wala pa sia magsulod sa Labing Balaan nga Duog, kag iya ini ibilin didto. 24Kinahanglan magpaligo sia sa isa ka balaan nga duog kag isuksok niya ang iya kaugalingon nga bayu. Sa tapos sini, magagwa sia kag idulot niya ang iya halad nga sinunog kag ang halad nga sinunog sang mga tawo sa pagkuha sang iya kaugalingon nga mga sala kag sang mga sala sang mga tawo. 25Sunogon niya sa altar ang sapay sang sapat para sa halad tungod sa sala. 26Ang tawo nga nagtabog sang kanding pakadto sa desierto kay Azazel kinahanglan maglaba sang iya mga bayu kag magpaligo sa wala pa sia magbalik sa kampo. 27Ang#Heb. 13:11. toro nga baka kag ang kanding nga gingamit nga halad para sa sala, nga ang ila dugo gindala sa sulod sang Labing Balaan nga Duog sa pagkuha sang sala, pagadalhon sa gwa sang kampo kag sunogon. Ang panit, ang karne, kag ang mga kasudlan pagasunogon tanan. 28Ang nagasunog sini kinahanglan maglaba sang iya mga bayu kag magpaligo sa wala pa sia magbalik sa kampo.
Ang Pagtuman sang Adlaw sang Pagtubos
29“Ang#Lev. 23:26-32; Num. 29:7-11. masunod nga mga pagsulondan kinahanglan tumanon sa tanan nga panahon nga palaabuton. Sa ika-10 nga adlaw sang ikapito nga bulan ang mga Israelinhon kag ang mga dumoluong nga nagaestar upod sa ila kinahanglan magpuasa kag indi mag-obra. 30Sa sina nga adlaw himuon nila ang tulomanon sa pagtinlo sa ila gikan sa ila mga sala, agod nga manginmatinlo sila. 31Ina nga adlaw manginlabi ka balaan nga adlaw sa diin magapuasa sila kag indi gid maghimo sang bisan ano nga obra. Ini nga mga kasugoan pagatumanon nila sa tanan nga panahon nga palaabuton. 32Ang Pinakamataas nga Pari nga gin-ordinan sing nagakaigo kag ginhalad sa pagbulos sa iya amay, amo ang maghimo sang tulomanon sa pagpaninlo. Magasuksok sia sang mga bayu sang pari 33kag magahimo sia sang tulomanon sa pagtinlo sang Labing Balaan nga Duog, ang iban nga bahin sang Tolda sang akon presensya, ang altar, ang mga pari, kag ang tanan nga mga tawo sang katilingban. 34Ini nga mga pagsulondan kinahanglan tumanon sa tanan nga panahon nga palaabuton. Ini nga tulomanon pagahimuon sing makaisa kada tuig sa pagtinlo sang mga tawo sang Israel gikan sa tanan nila nga mga sala.”
Gani gintuman ini, suno sa ginsugo sang Ginoo kay Moises.
Currently Selected:
Levitico 16: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
