Isaias 6
6
Ang Dios Nagtawag kay Isaias nga Manginpropeta
1Sang#2 Hari 15:7; 2 Cron. 26:23. tuig nga napatay si Haring Uzias nakita ko ang Ginoo. Nagapungko sia sa iya trono, mataas kag mahimayaon, kag ang iya kapa naghil-ob sang bug-os nga Templo. 2Nagatindog sa palibot niya ang nagadabdab nga mga tinuga nga ang tagsatagsa sa ila may anom ka mga pakpak. Ang tagsa ka tinuga may duha ka mga pakpak nga nagatabon sang iya guya, may duha ka mga pakpak nga nagatabon sang iya lawas kag duha pa gid ka mga pakpak nga ginagamit sa paglupad.
3Nagasiling#Bug. 4:8. sila sa isa kag isa:
“Balaan, balaan, balaan!
Ang Ginoo sang mga hangaway balaan!
Ang iya himaya nagapuno sang duta.”
4Ang#Bug. 15:8. gahod sang ila mga tingog nag-uyog sang sadsaran sang Templo, kag ang Templo napuno sang aso.
5Nagsiling ako, “Wala na ako sing paglaom! Tapos gid ako! Ang tagsa ka pulong nga ginamitlang sang akon mga bibig malaut, kag nagaestar ako sa tunga sang mga tawo nga ang tagsa ka pulong nga ila ginahambal malaut. Kag karon, nakita gid sang akon mga mata ang Hari, ang Ginoo sang mga hangaway!”
6Dayon ang isa sang mga tinuga naglupad pakadto sa akon nga nagadala sing baga nga iya ginkuha sang kimpit halin sa altar. 7Gintandog niya ang akon mga bibig sing baga kag nagsiling, “Ining baga nagtandog sang imo mga bibig, kag karon ang imo kalautan nakuha na kag ang imo mga sala ginpatawad.”
8Dayon nabatian ko ang Ginoo nga nagasiling, “Sin-o bala ang akon ipadala? Sin-o bala ang amon manginmanugbalita?”
Nagsabat ako, “Handa ako sa paglakat! Ipadala ako!”
9Gani#Mat. 13:14-15; Mar. 4:12; Luc. 8:10; Juan 12:40; Bin. 28:26-27. ginsugo niya ako sa paglakat kag sa paghatag sini nga mensahe sa mga tawo: “Bisan daw ano ang inyo pagpamati, indi kamo makahangop. Bisan daw ano ang inyo pagtan-aw, indi kamo makahibalo kon ano ang nagakatabo.” 10Dayon nagsiling sia sa akon, “Patig-aha ang mga tagipusoon sini nga mga tawo, pabungola ang ila mga dulonggan, bulaga ang ila mga mata, agod indi sila makakita ukon makabati ukon makahangop. Kay kon makabati, makakita kag makahangop sila, basi magabalik sila sa akon kag mag-ayo.”
11Nagpamangkot ako, “O Ginoo, tubtob san-o pa bala nga mangin-amo ini?”
Nagsabat sia, “Tubtob ang mga siudad maguba kag wala sing may nagaestar. Tubtob ang mga balay wala sing may magaestar, tubtob ang duta wala na sing pumoluyo kag indi na mapatubason. 12Tabugon ko ang mga tawo sa malayo nga lugar kag himuon ang bug-os nga duta nga mamingaw. 13Bisan isa lang sang napulo ka mga tawo sa duta ang mabilin, sia man pagalaglagon. Manginkaangay sia sang tuod sang kahoy nga terebinto nga gintapas.”
Ang tuod nagapahayag sang bag-o nga pagsugod sang mga tawo sang Dios.
Currently Selected:
Isaias 6: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
