Popular Bible Verses from Isaias 6

Share

Dayon nabatian ko ang Ginoo nga nagasiling, “Sin-o bala ang akon ipadala? Sin-o bala ang amon manginmanugbalita?” Nagsabat ako, “Handa ako sa paglakat! Ipadala ako!”

Nagasiling sila sa isa kag isa: “Balaan, balaan, balaan! Ang GINOO sang mga hangaway balaan! Ang iya himaya nagapuno sang duta.”

Nagsiling ako, “Wala na ako sing paglaom! Tapos gid ako! Ang tagsa ka pulong nga ginamitlang sang akon mga bibig malaut, kag nagaestar ako sa tunga sang mga tawo nga ang tagsa ka pulong nga ila ginahambal malaut. Kag karon, nakita gid sang akon mga mata ang Hari, ang GINOO sang mga hangaway!”

Sang tuig nga napatay si Haring Uzias nakita ko ang Ginoo. Nagapungko sia sa iya trono, mataas kag mahimayaon, kag ang iya kapa naghil-ob sang bug-os nga Templo.

Gintandog niya ang akon mga bibig sing baga kag nagsiling, “Ining baga nagtandog sang imo mga bibig, kag karon ang imo kalautan nakuha na kag ang imo mga sala ginpatawad.”

Nagatindog sa palibot niya ang nagadabdab nga mga tinuga nga ang tagsatagsa sa ila may anom ka mga pakpak. Ang tagsa ka tinuga may duha ka mga pakpak nga nagatabon sang iya guya, may duha ka mga pakpak nga nagatabon sang iya lawas kag duha pa gid ka mga pakpak nga ginagamit sa paglupad.

Dayon ang isa sang mga tinuga naglupad pakadto sa akon nga nagadala sing baga nga iya ginkuha sang kimpit halin sa altar.

Gani ginsugo niya ako sa paglakat kag sa paghatag sini nga mensahe sa mga tawo: “Bisan daw ano ang inyo pagpamati, indi kamo makahangop. Bisan daw ano ang inyo pagtan-aw, indi kamo makahibalo kon ano ang nagakatabo.”

Dayon nagsiling sia sa akon, “Patig-aha ang mga tagipusoon sini nga mga tawo, pabungola ang ila mga dulonggan, bulaga ang ila mga mata, agod indi sila makakita ukon makabati ukon makahangop. Kay kon makabati, makakita kag makahangop sila, basi magabalik sila sa akon kag mag-ayo.”