Isaias 27
27
1Sa#Job 41:1; Sal. 74:14; 104:26. sadto nga adlaw ang Ginoo magagamit sang iya gamhanan kag makamamatay nga espada sa pagsilot sang Lebiatan, inang nagasaog, nagatikutiko nga man-og, kag sa pagpatay sang dragon#27:1 LEBIATAN…DRAGON: Ini nga mga dragon nga ginasugid mga simbulo sang mga pungsod nga nagapigos sang Israel. nga nagaestar sa dagat.
2Sa sadtong adlaw ang Ginoo magasiling nahanungod sa iya matahom nga talamnan sang ubas, 3“Ginbantayan ko ini kag ginbunyagan pirme. Ginbantayan ko ini sa adlaw kag gab-i agod wala sing isa nga maghalit sini. 4Wala na ako maakig sa talamnan sang ubas. Luyag ko kuntani nga may mga sapinit kag talungon nga akon panapson kag pagasunogon sing bug-os. 5Pero kon ang mga kaaway sang akon mga tawo luyag nga apinan ko sila, magpakighidait sila sa akon. Huo, magpakighidait sila sa akon.”
6Sa sadto nga mga adlaw ang mga tawo sang Israel, ang mga kaliwat ni Jacob, magapanggamot kaangay sang kahoy, kag magapanalingsing sila kag magapamulak. Ang duta mapuno sang bunga nga ila ginapatubas.
7Ang Israel wala pa gid masiluti sang Ginoo subong kasakit sang pagsilot niya sa mga kaaway sang Israel, ukon madulaan sang madamo nga mga tawo. 8Ang Ginoo nagsilot sang iya mga tawo paagi sa pagpadala sa ila subong mga bihag. Gintabog niya sila paagi sa isa ka makahalalit nga hangin halin sa sidlangan. 9Pero ang mga sala sang Israel mapatawad lamang kon ang tanan nga mga bato sa altar sang mga diosdios madugmok kaangay sang yab-ok, kag wala na sing mabilin nga mga simbulo sang diosa nga si Asera ukon mga altar nga ginasunogan sang insyenso.
10Ang napamakuran nga siudad nalaglag. Ginbayaan ini kag mamingaw kaangay sang desierto. Nahimo ini nga halalban sang mga baka, sa diin makapahuway kag makahalab sila. 11Ang mga sanga sang mga kahoy nagkalaya kag nagkalabali, kag ang mga kababayin-an nagapangahoy sini. Tungod kay ang mga tawo wala sing paghangop, ang Dios nga ila Manunuga indi magkaluoy ukon mahamuot sa ila.
12Sa sadto nga adlaw ang Ginoo isaisa nga magatipon sang iya mga tawo nga Israelinhon, gikan sa Eufrates tubtob sa dulonan sang Ehipto, subong sang paglinas nga nagapain sang trigo sa upa.
13Kon mag-abot ina nga adlaw, ang isa ka trumpeta patunogon sa pagtawag halin sa Asiria kag Ehipto sang tanan nga mga Israelinhon nga ginbihag didto. Magaabot sila kag magasimba sa Ginoo sa Jerusalem, ang iya balaan nga bukid.#27:13 BALAAN NGA BUKID: Tan-awa ang 2:3.
Currently Selected:
Isaias 27: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
