Ester (Griego) 5
5
Gin-agda ni Ester ang Hari kag Si Haman sa Isa ka Bangkite
17 Ang#Mar. 6:23. hari nagpamangkot, “Ano bala ang luyag mo, Ester? Isiling sa akon ang imo luyag kag matuman ini, bisan pa ang katunga sang akon ginharian.”
18 Si Ester nagsabat, “Ini nga adlaw pinasahi para sa akon. Kon igakalipay mo, luyag ko nga ikaw kag si Haman magpanihapon upod sa akon sa isa ka bangkite nga igahanda ko para sa inyo.”
19 Ginpasugoan sang hari si Haman nga magkadto sa palasyo sa labing madali agod nga magpanihapon sila upod kay Ester. Dayon nagkadto ang hari kag si Haman sa bangkite ni Ester. 20 Samtang sila nagaininom, ang hari nagpamangkot, “Isiling sa akon, ‘Ano bala ang luyag mo, Rayna Ester.’”
21 Si Ester nagsabat, 22 “Kamahalan, kon ako nakapahamuot sa imo, luyag ko nga ikaw kag si Haman magtambong sa bangkite nga igahanda ko liwat para sa inyo buas. Manginkaangay man ini sa gihapon.”
Si Haman Nagplano sa Pagpatay kay Mardoqueo
23 Malipayon si Haman sang makahalin sia sa hari, pero nagbaylo ang iya balatyagon sang makita niya si Mardoqueo didto sa pasiyuhan sang palasyo. Nagpaakig sing daku ini sa iya, 24 pero nagpadayon sia sa pagpauli. Dayon gin-agda niya ang iya mga abyan sa iya balay upod ang iya asawa nga si Seres. 25 Ginpabugal niya sa ila ang iya manggad, ang iya madamo nga mga kabataan kag ang kadungganan nga ginhatag sa iya sang hari sang buhaton ini sia bilang nahauna nga ministro sang ginharian. 26 Nagsiling sia, “Dugang sini, si Rayna Ester naghanda sang bangkite para lamang sa hari kag sa akon. Magakadto kami liwat didto buas. 27 Pero ini tanan wala sing pulos para sa akon tubtob nga makita ko man gihapon inang Judio nga si Mardoqueo nga nagapungko sa pasiyuhan sang palasyo.”
28 Gani ang iya asawa upod ang iya mga abyan nagpanugyan sa iya, “Ngaa nga indi ka magpatindog sang isa ka bitayan nga nagataas sing setentay singko ka tapak? Buas sa aga pangayua sa hari nga ipabitay si Mardoqueo sa sina nga bitayan kag pagkatapos makakadto ka upod sa hari sa bangkite ni Ester sa paglipay sang imo kaugalingon.” Naluyagan ni Haman ini nga panugyan, gani ginpabuhat niya ang bitayan.
Currently Selected:
Ester (Griego) 5: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012