Ester (Griego) D
D
#Ang kapitulo D 1-15 napasanto sa kapitulo 15:1-16 sa pila ka mga pagbadbad sa Eninglis.Si Ester Nagkadto sa Hari
1Sa sulod sang tatlo ka adlaw nagpangamuyo si Rayna Ester. Dayon gin-uba niya ang bayu sang pagpenitensya kag ginsuklob niya liwat ang iya bayu sa pagkarayna.
2-3Sa tapos sia makailis, nagpangamuyo sia liwat sa iya Dios kag manunubos nga makakita sang tanan. Naggwa sia sa iya kwarto kag naglakat kaangay sang isa ka rayna nga ginaupdan sang duha niya ka mga suloguon nga babayi. Ang isa nagauyat sang iya butkon kag ang 4ikaduha nagauyat sang iya kapa. 5Matahom kaayo tulokon si Rayna Ester. Makita nga manayanaya kag malipayon ang iya guya, pero napun-an sing kahadlok ang iya tagipusoon. 6Nag-agi sia sa tanan nga mga pwertahan kag nagsulod sa kwarto sa diin nahamtang ang trono. Nagapungko didto ang hari nga nagabayo sang labing malahalon nga panapton nga napugtakan sang bulawan kag malahalon nga mga bato. Makahalawhaw tan-awon ang hari. 7Sang makita niya si Ester, ang guya sang hari nga sa wala pa lamang madugay napun-an sang himaya, binuslan sang daku nga kaakig. Nangluya si Ester kag nagpalamuti. Diutayan lang sia mapunaw kag gani ginsandiay niya ang iya ulo sa abaga sang iya suloguon nga babayi.
8Pero ang Dios nagbaylo sang balatyagon sang hari. Ang iya kaakig binuslan sang daku nga pagkabalaka. Nagtindog sia gilayon gikan sa iya trono kag iya gin-alay-ay si Ester tubtob nga naumpawan ini. Ginpakaisog sang hari ang balatyagon ni Ester kag sa pulong nga malulo nagsiling, 9“Ano bala ang luyag mo, Ester? Ako ang bana mo kag gani indi ka magkahadlok. 10Ang aton kasugoan para lamang sa mga tawo sang ginharian. Indi ka mapatay. 11Palapit ka sa akon.” 12Ginbayaw niya ang iya bulawan nga setro kag gintandog ini sa liog ni Ester. Pagkatapos sini ginhalukan niya si Ester kag ginsilingan, “Isugid sa akon, kon ano bala ang luyag mo?”
13Si Rayna Ester nagsabat, “Sang pagkakita ko sa imo, O Mahal nga Hari, daw subong nga nakita ko ang isa ka anghel sang Dios kag nadaog ako sang imo makatalanhaga nga pagkahalangdon. 14Makahalawhaw ang imo guya kag napun-an ini sang pagkaluoy.”
15Samtang nagahambal pa sia sini, liwat nga napunaw sia. Nabalaka gid ang hari, kag ang tanan nga mga suloguon nagtinguha sa pagbulig agod maumpawan sia.#
Currently Selected:
Ester (Griego) D: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012