Deuteronomio 15
15
Ang Ikapito nga Tuig
(Lev. 25:1-7)
1“Sa katapusan sang tagsa ka ikapito nga tuig indi na pagpabayara ang nakautang sa inyo. 2Amo ini ang dapat himuon. Ang tagsatagsa nga nakapahulam sang kwarta sa iya kapareho nga Israelinhon indi na magpabayad sang iya utang. Indi na niya sia pagsukton kay ang Ginoo mismo nagsiling nga panason ang iya utang. 3Sarang ninyo masukot ang utang sang mga dumoluong, pero indi ninyo dapat sukton ang bisan ano nga mga utang sang kapareho ninyo nga mga Israelinhon.
4“Ang Ginoo nga inyo Dios magapauswag sa inyo sa duta nga iya ginahatag sa inyo. Wala sing isa sang inyo mga tawo nga mangin-imol, 5kon tumanon ninyo sia kag bantayan sing maayo ang tanan nga ginasugo ko sa inyo sini nga adlaw. 6Ang Ginoo magapauswag sa inyo suno sa iya ginsaad. Magapahulam kamo sang kwarta sa madamo nga mga pungsod, pero indi kamo kinahanglan maghulam sa ila. Pagagamhan ninyo ang madamo nga mga pungsod, pero wala sing pungsod nga magagahom sa inyo.
7“Kon#Lev. 25:35. may kapareho kamo nga Israelinhon nga imol sa bisan diin nga banwa sa duta nga ginahatag sa inyo sang Ginoo nga inyo Dios, indi kamo magdinalok kundi buligi sia. 8Sa baylo magmaalwan kamo kag pahulama sia sang iya kinahanglan. 9Indi sia pagbalibari sa pagpahulam sang bisan ano, tungod lamang kay malapit na lang ang tuig nga ang tanan nga utang panason. Indi ka maghupot sining malaut nga hunahuna. Kon indi kamo magpahulam, magapanawag sia sa Ginoo batok sa inyo, kag may salabton ka sini. 10Maghatag kamo sa iya sing maalwan nga wala nagalangot ang inyo buot, kag ang Ginoo magapauswag sa inyo sa tanan nga inyo ginahimo. 11May#Mat. 26:11; Mar. 14:7; Juan 12:8. yara gid pirme nga mga Israelinhon nga imol kag nagakinahanglan sing bulig, gani ginamanduan ko kamo nga magmaalwan sa ila.
Ang Pagkabig sa mga Ulipon
(Exo. 21:1-11)
12“Kon#Lev. 25:39-46. ang inyo kapareho nga Israelinhon lalaki ukon babayi, magbaligya sang iya kaugalingon#15:12 magbaligya sang iya kaugalingon: ukonginbaligya. sa inyo subong isa ka ulipon, hilwayon ninyo sia sa tapos makaalagad sia sa inyo sing anom ka tuig. Kon ang ikapito nga tuig mag-abot hilwayon mo sia. 13Kon hilwayon ninyo sia, indi sia pagpalakta nga wala sing may ginahatag sa iya. 14Hatagi sia sing maalwan gikan sa kabuganaan nga ginhatag sang Ginoo sa inyo—karnero, trigo, kag bino. 15Dumdoma ninyo nga mga ulipon kamo anay sa Ehipto, kag ang Ginoo nga inyo Dios naghilway sa inyo. Gani ginahatag ko sa inyo ini nga sugo sini nga adlaw.
16“Pero kon ang inyo ulipon magsiling nga indi sia maghalin kay palangga niya kamo kag ang inyo panimalay, 17dayon dalha sia sa pwertahan sang inyo balay kag didto tuhoga ang iya dulonggan kag sia mangin-ulipon ninyo sa bug-os niya nga kabuhi. Amo man ini ang himuon ninyo sa inyo ulipon nga babayi. 18Indi maglangot ang inyo buot sa inyo paghilway sang inyo ulipon. Kon sa bagay, nakaalagad sia sa inyo sa sulod sang anom ka tuig nga katunga lang ang inyo ginbayaran kon ipaanggid sa ginasweldohan nga suloguon.#15:18 nga katunga…suloguon: ukonkag nagpangabudlay sing doble pa sang sa ginasweldohan nga suloguon. Himua ini kag ang Ginoo nga inyo Dios magabendisyon sa tanan ninyo nga pagahimuon.
Ang Panganay nga Baka kag Karnero
19“Painon#Exo. 13:12. ninyo ang tanan nga panganay nga mga lalaki sang inyo mga baka kag mga karnero para sa Ginoo nga inyo Dios. Indi paggamita ini nga mga baka para sa pag-obra kag indi pagguntingi ang mga karnero. 20Sa tagsa ka tuig kamo kag ang inyo panimalay magakaon sini sa atubang sang Ginoo sa isa ka lugar nga ginasimbahan. 21Pero kon ang mga sapat piang ukon bulag, ukon may bisan ano nga depekto, indi ninyo ini pag-ihalad sa Ginoo nga inyo Dios. 22Sarang ninyo makaon ini nga mga sapat sa inyo balay. Tanan kamo, matinlo ukon di-matinlo, sarang makakaon sini, subong sang pagkaon ninyo sang usa ukon gasela. 23Pero#Gen. 9:4; Lev. 7:26-27; 17:10-14; 19:26; Deut. 12:16, 23. indi pagkauna ang ila dugo, kundi iula ninyo ini sa duta subong sang tubig.
Currently Selected:
Deuteronomio 15: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
