Deuteronomio 14
14
Ang Paglalaw nga Ginadumilian
1“Kamo#Lev. 19:28; 21:5. mga anak sang Ginoo nga inyo Dios. Kon maglalaw kamo sa patay, indi ninyo pagpilasan ang inyo kaugalingon ukon kiskisan ang inyo mga agtang subong sang ginahimo sang iban nga mga tawo. 2Kamo#Exo. 19:5-6; Deut. 4:20; 7:6; 26:18; Tit. 2:14; 1 Ped. 2:9. iya sang Ginoo nga inyo Dios, kay ginpili niya kamo nga mangin-iya kaugalingon nga mga tawo gikan sa tanan nga mga katawhan nga nagaestar sa duta.
Ang Matinlo kag Di-matinlo nga mga Kahayupan
(Lev. 11:1-47)
3“Indi kamo magkaon sang bisan ano nga ginsiling sang Ginoo nga di-matinlo. 4Ang mga sapat nga sarang ninyo makaon amo ang masunod: baka, karnero, kanding, 5usa, talunon nga karnero, talunon nga kanding, ukon gasela— 6ang bisan ano nga sapat nga nagapihak ang mga kuko kag nagapangusang. 7Pero indi kamo magkaon sang mga sapat nga ang ila mga kuko wala nagapihak kag wala man nagapangusang. Indi kamo magkaon sang kamelyo, koneho, ukon ilaga sa kabatuhan. Ini sila indi matinlo, kay nagapangusang sila pero wala nagapihak ang ila mga kuko. 8Indi kamo magkaon sang baboy, kay mahigko ini. May mga kuko ini nga nagapihak pero wala nagapangusang. Indi kamo magkaon sini nga mga sapat ukon magtandog sang ila patay nga mga lawas.
9“Sarang kamo makakaon sang isda nga may mga sirik kag mga himbis, 10pero ang bisan ano nga nagaestar sa tubig nga wala sing sirik ukon himbis indi ninyo pagkaunon kay mahigko ini.
11“Sarang kamo makakaon sang pispis nga matinlo. 12-18Pero indi kamo magkaon sini nga mga pispis: agila, bukaw, dapay, falcon; tikwi, buwitre, uwak; ostrit; gabiota, dugwak, tulabong, pelicano, somorguho;#14:12-18 Ang ngalan sining iban nga mga pispis indi mapat-od. abubilla; kag kabog.
19“Ang tanan nga may pakpak nga mga sapatsapat di-matinlo. Indi ninyo ini pagkaunon. 20Pero sarang ninyo makaon ang matinlo nga sahi sang mga sapatsapat.
21“Indi#Exo. 23:19; 34:26. kamo magkaon sang bisan ano nga sapat nga napatay. Ihatag ninyo ini sa mga dumoluong nga nagaestar upod sa inyo, ukon mabaligya ninyo ini sa iban nga mga dumoluong. Pero kamo iya sang Ginoo nga inyo Dios, mga tawo niya kamo.
“Indi ninyo paglutoon ang tinday nga karnero ukon kanding sa gatas sang iya iloy.
Ang Kasugoan Nahanungod sa Ikapulo
22“Paina#Lev. 27:30-33; Num. 18:21. ninyo ang ikapulo—ang ikapulo sang tanan nga patubas sang inyo uma kada tuig. 23Dayon kadto kamo sa isa ka lugar nga ginpili sang Ginoo nga inyo Dios nga pagasimbahan sa iya. Didto sa iya atubang kauna ninyo ang ikapulo sang inyo trigo, bino, kag lana sang olivo, kag ang panganay sang inyo mga baka kag mga karnero. Himua ninyo ini, agod makatuman kamo sa pagtahod sa gihapon sa Ginoo nga inyo Dios. 24Kon malayo gid ang inyo ginaestaran sa lugar nga inyo ginasimbahan kag mabudlay ang magdala sang ikapulo sang inyo patubas nga ginhatag sang Ginoo sa inyo, amo ini ang himuon ninyo: 25ibaligya ang inyo patubas kag dalha ang kwarta sa lugar nga inyo ginasimbahan. 26Didto ibakal ninyo ini sang inyo naluyagan—baka, karnero, bino, bag-o nga bino—kag sa presensya sang Ginoo nga inyo Dios, kamo kag ang inyo mga panimalay magkaon kag magkalipay.
27“Pero indi ninyo pagpatumbayai ang mga Levita nga nagaestar sa inyo mga banwa, kay wala sila sing kaugalingon nga pagkabutang.
28“Sa katapusan sang tagsa ka ikatlo ka tuig dalha ninyo ang ikapulo sang tanan ninyo nga mga patubas kag taguon ini sa inyo mga banwa. 29Ini manginkalan-on sang mga Levita kay wala sila sing kaugalingon nga pagkabutang, kag para man sa mga dumoluong, mga ilo, mga balo nga nagaestar sa inyo mga banwa. Kinahanglan magkadto sila sa pagkuha sang tanan nila nga mga kinahanglanon. Himua ninyo ini kag ang Ginoo nga inyo Dios magabendisyon sa inyo sa tanan nga inyo ginahimo.
Currently Selected:
Deuteronomio 14: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
