Baruc 1
1
Panguna
1Ini#Jer. 36:4. nga libro ginsulat ni Baruc nga anak ni Nerias, apo ni Maseya kag gikan sa mga kaliwatan nanday Sedequias, Hasadias kag Helkias. Ginsulat ini didto sa Babilonia, 2sa ikapito nga adlaw sang bulan#1:2 SANG BULAN: Ang bulan amo ayhan ang ikalima nga bulan sa kalendaryo sang mga Hebreo (tan-awa ang 2 Mga Hari 25:8; Jer. 52:12). sa ikalima nga tuig sa tapos nga ang Jerusalem naagaw kag ginsunog sang mga taga-Babilonia. 3-4Ginbasa#2 Hari 24:8-17. sing matunog ni Baruc ini nga libro sa kay Jeconias nga anak ni Joaquim nga hari sang Juda, kag subong man sa tanan nga mga nagaestar sa Babilonia sa ubay sang Suba sang Sud. Ang tanan nga sari sang tawo sa bisan ano nga kahimtangan sang pangabuhi—mga dungganon, mga kabataan sang mga harianon nga panimalay, kag mga katigulangan nagpamati samtang ginabasa ini nga libro.
5Sang mabasa ang libro, ang tanan naghibi, nagpuasa kag nagpangamuyo sa Ginoo. 6Dayon ang tagsatagsa naghatag sang kwarta sa ila masarangan 7kag ang kwarta ginpadala sa Jerusalem kag ginhatag kay Joaquim, ang Pinakamataas nga Pari, anak ni Helkias kag apo ni Salum. Ang iban nga kwarta ginhatag sa iban nga mga pari kag sa tanan nga mga tawo nga upod ni Joaquim sa Jerusalem.
8Sa ika-10 nga adlaw sang bulan sang Sivan, ginpadala ni Baruc ang balaan nga mga galamiton nga ginkuha gikan sa Templo kag ginbalik niya ini sa Juda. Ini nga mga galamiton nahuman sa pilak nga ginpabuhat ni Sedequias nga anak ni Haring Josias sang Juda, 9sa tapos nga ginbihag ni Haring Nabucodonosor sang Babilonia si Jeconias, upod sa mga pangulo, sampaton nga mga manug-obra,#1:9 sampaton nga mga manug-obra: Sa Griego mga binilanggo. mga dungganon, kag ordinaryo nga mga tawo nga iya gindala sa Babilonia gikan sa Jerusalem.
Ang Sulat Pakadto sa Jerusalem
10Ang mga tawo nagsulat:
Palihog gamita ang kwarta nga amon ginapadala sa imo sa pagbakal sang mga kasapatan nga para sa mga halad nga sinunog kag sa mga halad para sa mga sala, ibakal man ini sang insyenso kag sang mga halad nga kalan-on. Ihalad ini sa altar sang Ginoo nga aton Dios, 11kag ipangamuyo ang kabuhi ni Haring Nabucodonosor sang Babilonia kag sang iya anak nga si Belsasar nga maglawig diri sa duta kaangay sang kalangitan. 12Sa sini ang Ginoo magapalig-on kag magatuytoy sa amon. Si Nabucodonosor kag ang iya anak nga si Belsasar magaapin sa amon kag magaunong kami sa ila tubtob kami buhi, dayon ila kami mahamut-an. 13Nagapangabay man kami nga imo kami ipangamuyo sa Ginoong Dios tungod kay nakasala kami batok sa iya, kag nagakaakig pa sia gihapon sa amon. 14Palihog basaha ining libro nga amon ginapadala sa imo kag sa Templo magtuad ka sang imo kaugalingon nga mga sala sa nahauna nga adlaw sang Piesta sang mga Palasilungan kag sa iban nga balaan nga mga adlaw sang pagtilipon.
Ang Pagtuad sang Sala
15Amo ini ang pagtuad nga inyo pagabuhaton: “Ang Ginoo nga amon Dios matarong, pero natabunan pa kami gihapon sang kahuloy-an. Kami tanan nga mga taga-Juda, mga taga-Jerusalem, 16ang amon mga hari, mga pangulo, mga pari, mga propeta kag ang amon mga katigulangan ginpakahuy-an, 17tungod kay nakasala kami batok sa Ginoo nga amon Dios, 18kag naglalis sa iya. Wala kami nagpamati sa iya kag nagpangabuhi suno sa iya mga sugo. 19Halin sadtong pagpagwa sang Ginoo sang amon mga katigulangan gikan sa Ehipto tubtob karon, padayon ang amon paglalis sa iya kag wala gid kami nagpangduhaduha sa pagsupak sa iya. 20Sadto#Deut. 28:15-68. pa nga daan, sang pagpagwa sang Ginoo sang amon katigulangan gikan sa Ehipto, agod ihatag sa amon ang maayo kag mapatubason nga duta, iya kami nga ginpakamalaut paagi sa iya alagad nga si Moises. Kag karon nagaantos kami tungod sadto nga mga pagpakamalaut. 21Wala namon pagtumana ang mga ginpanghambal sang Ginoo nga amon Dios nga iya ginpahayag paagi sa mga propeta. Sa baylo amon gintuman ang amon naluyagan kag nagpadayon sa amon malaut nga mga buhat. Nag-alagad kami sa amon mga dios kag nagbuhat sang mga ginkangil-aran sang Ginoo.
Currently Selected:
Baruc 1: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012