1 Mga Taga-Corinto 3
3
Mga Alagad sang Dios
1Mga kautoran, kon sa bahin ko, indi ako makahambal sa inyo subong sang paghambal ko sa mga tawo nga may Espiritu sang Dios. Napilitan ako sa paghambal sa inyo subong kalibutanon nga mga tawo kag mga bata pa sa Cristohanon nga pagtuo. 2Ginpainom#Heb. 5:12-13. ko lang anay kamo sang gatas, kag wala pagpakan-a sang matig-a nga kalan-on, tungod kay indi pa kamo makasarang sa pagkaon sini. Kag bisan subong indi pa kamo makasarang sa pagkaon sini, 3kay nagakabuhi pa kamo kaangay sang kalibutanon nga mga tawo. Kon nagahisaay kamo kag nagasinuay wala bala ini nagapamatuod nga kalibutanon kamo nga mga tawo kag nagakabuhi suno sa talaksan sining kalibutan? 4Kon#1 Cor. 1:12. ang isa sa inyo magsiling, “Ako sumolunod ni Pablo,” kag ang isa man magsiling, “Ako sa kay Apolos,” wala bala kamo nagaginawi subong nga kalibutanon nga mga tawo?
5Kon sa bagay, sin-o bala si Apolos? Kag sin-o bala si Pablo? Mga alagad lamang kami sang Dios, nga nagtuytoy sa inyo sa pagtuo. Ang tagsatagsa sa amon nagahimo sang bulohaton nga ginhatag sang Ginoo sa amon nga pagabuhaton: 6Ako#Bin. 18:4-11; Bin. 18:24-28. ang nagtanom sang binhi, si Apolos ang nagbunyag, pero ang Dios amo ang nagpatubo sini. 7Ang nagatanom kag ang nagabunyag indi gid ang labing importante, kundi ang Dios nga nagapatubo sang tanom. 8Ang nagatanom kag ang nagabunyag pareho lang. Ang Dios magahatag sing balos sa kada isa sa ila suno sa ila pinangabudlayan. 9Kay kami magkaupod sa pagpangabudlay para sa Dios, kag kamo ang palangumhan sang Dios.
Kamo balay man sang Dios. 10Suno sa hiyas nga ginhatag sang Dios sa akon, ginpasad ko ang sadsaran subong sang pag-obra sang isa ka sampaton nga panday, kag iban naman nga tawo ang nagapadayon sa pagbalay sa ibabaw sini. Pero ang tagsa ka tawo dapat maghalong kon paano sia magbalay sa ibabaw sini. 11Kay ang Dios nagpahamtang na kay Jesu-Cristo nga amo gid lang ang sadsaran kag wala na sing iban nga sadsaran nga sarang pa mapasad. 12May mga tawo nga magagamit sang bulawan, ukon pilak, ukon malahalon nga mga bato sa ila pagbalay sa sadsaran. Ang iban magagamit sing kahoy, hilamon, ukon dagami. 13Ang kalidad sang binuhatan sang tagsa ka tawo makit-an kon ipahayag ini sa Adlaw ni Cristo. Kay ang kalayo sa sina nga Adlaw magapahayag sang binuhatan sang tagsa ka tawo. Ang kalayo magatilaw kag magapahayag sang matuod nga kalidad sini. 14Kon ang ginbalay sang isa ka tawo sa sadsaran indi masunog sang kalayo, ina nga tawo magabaton sing balos. 15Pero kon ang binuhatan sang bisan sin-o nga tawo masunog, ti madula niya ini, pero sia iya maluwas, subong sang isa nga nakapalagyo halin sa kalayo.
16Nahibaluan#1 Cor. 6:19; 2 Cor. 6:16. gid ninyo nga kamo templo sang Dios, kag ang Espiritu sang Dios nagapuyo sa inyo! 17Gani, ang bisan sin-o nga maglaglag sang templo sang Dios, ang Dios magalaglag sa iya. Kay ang templo sang Dios balaan, kag kamo mismo ang iya templo.
18Wala sing tawo nga magdaya sang iya kaugalingon. Kon ang bisan sin-o sa inyo maghunahuna nga sia maalam nga tawo suno sa talaksan sining kalibutan, dapat kabigon niya ang iya kaugalingon nga buangbuang agod nga manginmaalam sia. 19Kay#Job 5:13. ang ginakabig sining kalibutan nga kaalam, kabuangan para sa Dios. Kay ginasiling sang kasulatan, “Ginasiod sang Dios ang maalam nga mga tawo sa ila kaabtik.” 20Kag#Sal. 94:11. ang isa naman ka bahin sang kasulatan nagasiling, “Ang Ginoo nakahibalo nga ang mga painuino sang mga maalam walay pulos.” 21Gani walay bisan sin-o nga magpabugal nahanungod sang sarang mahimo sang mga tawo. Kay kon hambalon gid man, ang tanan nga butang inyo: 22Inyo si Pablo, si Apolos, si Pedro, ining kalibutan, ang kabuhi kag ang kamatayon, ang karon kag ang palaabuton. Ini tanan inyo, 23kag kamo iya ni Cristo, kag si Cristo iya sang Dios.
Currently Selected:
1 Mga Taga-Corinto 3: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
