Popular Bible Verses from 1 Mga Taga-Corinto 3

Share

Nahibaluan gid ninyo nga kamo templo sang Dios, kag ang Espiritu sang Dios nagapuyo sa inyo!

Kay ang Dios nagpahamtang na kay Jesu-Cristo nga amo gid lang ang sadsaran kag wala na sing iban nga sadsaran nga sarang pa mapasad.

Ang nagatanom kag ang nagabunyag indi gid ang labing importante, kundi ang Dios nga nagapatubo sang tanom.

Kay kami magkaupod sa pagpangabudlay para sa Dios, kag kamo ang palangumhan sang Dios. Kamo balay man sang Dios.

Ang kalidad sang binuhatan sang tagsa ka tawo makit-an kon ipahayag ini sa Adlaw ni Cristo. Kay ang kalayo sa sina nga Adlaw magapahayag sang binuhatan sang tagsa ka tawo. Ang kalayo magatilaw kag magapahayag sang matuod nga kalidad sini.

Ang nagatanom kag ang nagabunyag pareho lang. Ang Dios magahatag sing balos sa kada isa sa ila suno sa ila pinangabudlayan.

Wala sing tawo nga magdaya sang iya kaugalingon. Kon ang bisan sin-o sa inyo maghunahuna nga sia maalam nga tawo suno sa talaksan sining kalibutan, dapat kabigon niya ang iya kaugalingon nga buangbuang agod nga manginmaalam sia.