1 Mga Taga-Corinto 10
10
Mga Paandam batok sa mga Diosdios
1Mga#Exo. 13:21-22; Exo. 14:22-29. utod, luyag ko nga dumdomon ninyo ang gin-agihan sang aton mga katigulangan nga nagsunod kay Moises. Ginlandungan sila sang panganod kag nagtabok sila tanan nga wala maano sa Mapula nga Dagat.#10:1 Mapula nga Dagat: ukonDagat sang mga Tabun-ak. 2Sa gal-om kag sa dagat ginbautisohan sila tanan subong nga mga sumolunod ni Moises. 3Tanan#Exo. 16:35. sila nagkaon sang amo man nga espirituhanon nga pagkaon, 4kag#Exo. 17:6; Num. 20:11. tanan sila nag-inom sang amo man nga espirituhanon nga ilimnon. Kay nag-inom sila sa sadtong espirituhanon nga bato nga nag-upod sa ila. Yadto nga bato amo si Cristo mismo. 5Pero#Num. 14:29-30. bisan pa ang Dios wala malipay sa kalabanan sa ila, gani ang ila mga bangkay naglalapta sa desierto.
6Karon,#Num. 11:4. ini nga mga butang nga nahanabo mga halimbawa sa pagpaandam sa aton nga indi kita maghandom sang malain nga mga butang kaangay sang ginhimo nila, 7kag#Exo. 32:6. indi kita magsimba sa mga diosdios, subong sang ginhimo sang iban sa ila. Subong sang ginasiling sang kasulatan, “Ang mga tawo nagpungko sa pagkinaon kag sa pag-ininom kag nagtindog sa pagsinaot.” 8Indi#Num. 25:1-18. gid kita magpakighilawas subong sang ginhimo sang iban sa ila, kag tungod sini nagkalamatay ang 23,000 sa ila sa isa lang ka adlaw. 9Indi#Num. 21:5-6. ta gid pagtilawan ang Ginoo,#10:9 ang Ginoo: Ang iban nga mga manuskrito maysi Cristo. subong sang ginhimo sang iban sa ila, kag ginpamatay sila sang mga man-og. 10Indi#Num. 16:41-49. gid kita magkumod subong sang ginhimo sang iban sa ila, kag ginlaglag sila sang Anghel sang Kamatayon.
11Ini tanan nga mga butang nahanabo sa ila subong mga halimbawa para sa iban, kag ini ginsulat bilang paandam sa aton. Kay nagakabuhi kita sa panahon nga ang katapusan madali na lang mag-abot.
12Gani, ang bisan sin-o nga nagahunahuna nga malig-on ang iya pagtindog mag-andam basi kon matumba sia. 13Ang#Jdt. 8:25-27; Sir. 15:11-20. tagsa ka pagtilaw nga nagaabot sa inyo amo man ang pagtilaw nga masami nagaabot sa mga tawo. Pero ang Dios matutom sa iya saad kag indi magtugot nga tilawan kamo labaw sa inyo masarangan, kundi sa tion nga ginatilawan kamo, hatagan niya kamo sing nagakaigo nga kusog sa pagbatas sini kag alagyan sa paglusot paggwa diri.
14Gani, mga hinigugma ko, indi kamo magsimba sa mga diosdios. 15Nagahambal ako sa inyo subong nga kamo maalam nga mga tawo. Kamo ang magbinagbinag sang akon ginasiling sa inyo. 16Wala#Mat. 26:26-28; Mar. 14:22-24; Luc. 22:19-20. bala kita nagapakig-ambit sa dugo ni Cristo kon kita mag-inom sa sini nga kupa sang pagpasalamat nga aton ginapasalamatan sa Dios? Wala bala kita nagapakig-ambit sa lawas ni Cristo kon kita magkaon sini nga tinapay nga aton ginapamihakpihak? 17Tungod nga may isa lang ka tinapay, kita tanan, bisan nga madamo, nangin-isa ka lawas, kay kita tanan nagaambit sang isa lang ka tinapay.
18Tan-awa#Lev. 7:6. bala ninyo ang mga tawo sang Israel. Indi bala nga ang mga nagakaon sang mga ginahalad sa altar nagapakig-ambit sa ginahalad sa Dios? 19Karon ano bala ang buot ko silingon? Nga ang diosdios ukon ang kalan-on nga ginahalad sa ila may kapuslanan? 20Indi#Deut. 32:17 (LXX). amo ina ang buot ko silingon! Ang ginasiling ko amo nga ang ginahalad sang mga pagano sa mga altar sang diosdios ginahalad nila sa mga demonyo kag indi sa Dios. Kag indi ako luyag nga magpakig-ambit kamo upod sa mga demonyo. 21Indi kamo makainom sa kupa sang Ginoo kag mag-inom man sa kupa sang mga demonyo. Indi kamo makakaon sa lamisa sang Ginoo kag magkaon man sa lamisa sang mga demonyo. 22Ukon#Deut. 32:21. luyag bala kita nga magpangimon ang Ginoo? Naghunahuna bala kita nga mas makusog pa kita sang sa iya?
23Nagasiling#1 Cor. 6:12. sila, “Tugot sa aton ang paghimo sang bisan ano.” Matuod ina, ugaling indi ang tanan makabulig sa iban. “Tugot sa aton ang paghimo sang tanan,” pero indi ang tanan makapabakod sa pagtuo sang katawhan sang Ginoo. 24Ang tagsatagsa indi magpangita sang iya kaugalingon nga kaayuhan, kundi sang kaayuhan sang iya isigkatawo.
25Sarang kamo makakaon sang tanan nga ginabaligya sa balaligyaan sang karne, nga wala na nagapangusisa tungod sang inyo konsensya. 26Kay#Sal. 24:1. ang kasulatan nagasiling, “Ang duta kag ang tanan nga yara sa duta iya sang Ginoo.”
27Kon may di-tumoluo nga mag-agda sa inyo sa pagkaon upod sa iya kag nagpamat-od kamo nga magkadto, kauna ninyo ang ginabutang sa inyo atubang nga wala na nagapangusisa tungod sang inyo konsensya. 28Pero kon may magsiling sa inyo, “Ini nga pagkaon nahalad sa mga diosdios,” ti indi pagkauna ina tungod sa iya nga nagasugid sini sa inyo kag tungod sa konsensya— 29ini indi ang inyo konsensya, kundi ang iya konsensya.
Karon may mamangkot, “Ngaa bala ang akon kahilwayan limitahan sang konsensya sang iban nga tawo? 30Kon ginapasalamatan ko sa Dios ang akon pagkaon, ngaa abi pakalainon ako tungod sang pagkaon nga ginpasalamatan ko?”
31Gani, bisan nagakaon ukon nagainom kamo, ukon ano man ang inyo ginahimo, himua ini tanan para sa pagpasidungog sa Dios. 32Magkabuhi kamo sa bagay nga indi kamo manginkasandaran sa mga Judio ukon sa mga Hentil ukon sa iglesia sang Dios. 33Sunda lang bala ninyo ang ginahimo ko. Sa tanan ko nga ginahimo nagatinguha ako sa paglipay sang tanan, kag wala ako nagapangita sang akon kaayuhan, kundi sang kaayuhan sang tanan, agod nga maluwas sila.
Currently Selected:
1 Mga Taga-Corinto 10: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
