1 Mga Cronica 5
5
Ang mga Kaliwat ni Ruben
1Amo#Gen. 35:22; 49:3-4. ini ang mga kaliwat ni Ruben, ang kamagulangan sang mga anak ni Jacob. (Tungod kay nagpakighilawas sia sa isa sang mga babayi sang iya amay, nadula niya ang mga kinamatarong sang pagkapanganay nga anak, kag ginhatag ini sa mga anak ni Jose. 2Bisan#Gen. 49:8-10. ang tribo ni Juda amo ang nanginlabing gamhanan kag ang ginhalinan sang isa ka pangulo para sa tanan nga mga tribo, pero ang kinamatarong sang pagkapanganay nga anak nga lalaki nangin-iya ni Jose.) 3Si Ruben, ang kamagulangan sang mga anak ni Jacob, may apat ka mga anak nga amo sanday Hanoc, Fallu, Hezron, kag Carmi.
4-6Amo#2 Hari 15:29. ini ang mga kaliwat ni Joel halin sa isa ka kaliwatan pakadto sa isa: Semaya, Gog, Simei, Mica, Reaya, Baal kag Beera. Ang hari sang Asiria, nga si Tiglat-piliser, nagbihag kay Beera, isa ka pangulo sang tribo kag gintapok sia.
7Sa mga listahan sang panimalay makita ang masunod nga mga pangulo sang tribo ni Ruben: Jeiel, Zacarias, 8kag Bela, anak ni Azaz kag apo ni Sema, sang kabarangayan ni Joel. Ini sila nag-estar sa Aroer kag sa kadutaan sa aminhan pakadto sa Nebo kag Baal-meon. 9May madamo sila nga mga kasapatan sa duta sang Galaad, gani gin-estaran nila ang duta tubtob sa sidlangan nga malambutan sang desierto pakadto sa Suba sang Eufrates.
10Sang panahon ni Haring Saul, ang tribo ni Ruben nagsalakay sang mga Agarnon, ginpamatay sila sa inaway, kag gin-estaran ang ila duta sa nasidlangan nga bahin sang Galaad.
Ang mga Kaliwat ni Gad
11Ang tribo ni Gad nag-estar sa naaminhan ni Ruben sa duta sang Basan, tubtob sa sidlangan sa Saleca. 12Si Joel amo ang pangulo sang labing daku nga mga kabarangayan, kag si Safam amo ang pangulo sang mga kabarangayan nga ikaduha sa kadakuon. Si Janai kag si Safat amo ang mga pangulo sang iban nga mga kabarangayan sa Basan. 13Ang iban nga mga katapo sang tribo nagikan sa masunod nga pito ka mga kabarangayan: Micael, Mesullam, Seba, Jorai, Jacan, Zia, kag Eber. 14Ini sila mga kaliwat ni Abihail, anak ni Huri, nga ang ila mga katigulangan nga ginhalinan amo ang masunod: Abihail, Huri, Jaroa, Galaad, Micael, Jesisai, Jahdo, kag Buz. 15Si Ahi, anak ni Abdiel kag apo ni Guni, amo ang pangulo sini nga mga kabarangayan. 16Nag-estar sila sa kadutaan sang Basan kag Galaad, sa mga banwa didto, kag sa bug-os nga halalban sang kadutaan sang Saron. 17Ini nga listahan gintipon sang panahon ni Haring Jotam sang Juda kag ni Haring Jeroboam II sang Israel.
Ang mga Hangaway sang mga Tribo sa Nasidlangan
18Sa mga tribo nanday Ruben, Gad, kag ang tribo ni Manases sa Sidlangan may 44,760 ka mga soldado nga nahanas sing maayo sa paggamit sang mga taming, mga espada, kag mga pana. 19Nagpakig-away sila sa mga Agarnon nga mga tribo nanday Jetur, Nafis, kag Nodab. 20Nagsalig sila sa Dios kag nagpangayo sing bulig, kag ang Dios nagsabat sang ila mga pangamuyo kag ginpadaog sila sa mga Agarnon kag sa mga nagaapin sini. 21Nakaagaw sila sa ila mga kaaway sing 50,000 ka mga kamelyo, 250,000 ka mga karnero, kag 2,000 ka mga asno. Gindala nila ang 100,000 ka mga bihag sa inaway 22kag ginpamatay ang madamo nga mga kaaway, tungod kay ang inaway kabubot-on sang Dios. Nagpadayon sila sa pag-estar sa sadto nga duta tubtob sang pagbihag.#5:22 PAGBIHAG: Sang mga 733 sa wala pa matawo ang Cristo, ang mga Asiriahanon nag-agaw sang naaminhan nga Israel kag sang duta sang mga Israelinhon sa sidlangan sang Suba sang Jordan kag gintapok nila ang mga tawo (tan-awa ang 2 Hari 15:29).
Ang mga Tawo sa Tribo ni Manases sa Sidlangan
23Ang mga tawo sa tribo ni Manases sa sidlangan nag-estar sa kadutaan sang Basan, tubtob sa naaminhan pakadto sa Baal-hermon, Senir, kag sa Bukid sang Hermon, kag ang mga pumoluyo nagdamo gid. 24Ang masunod amo ang mga pangulo sang ila mga kabarangayan: Efer, Isi, Eliel, Asriel, Jeremias, Hodabias, kag Jadiel. Ini sila tanan isganan nga mga soldado, bantog nga mga pangulo sang ila mga kabarangayan.
Ang Nasidlangan nga mga Tribo Gintapok
25Pero ang mga tawo nagdi-matutom sa Dios sang ila katigulangan kag ginsikway nila sia, kag nagsimba sa mga dios sang mga kapungsoran nga gintabog sang Dios pa gwa sa ila duta. 26Gani#2 Hari 15:19; 2 Hari 15:29; 2 Hari 17:6. ginpagubat sang Dios kay Pul nga hari sang Asiria, nga amo man si Tiglat-piliser, ang ila duta. Gintapok niya ang mga tribo nanday Ruben, Gad, kag sang tribo ni Manases sa Nasidlangan kag ginpaestar sila sa Hala, sa Habor, sa Hara, kag sa higad sang Suba sang Gozan tubtob sa sini nga adlaw.
Currently Selected:
1 Mga Cronica 5: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
