1 Mga Cronica 6
6
Ang Kaliwat sang Pinakamataas nga mga Pari
1Si Levi may tatlo ka mga anak nga amo sanday Gersom, Kohat, kag Merari. 2Si Kohat may apat ka mga anak nga amo sanday Amram, Izar, Hebron, kag Uziel.
3Si Amram may duha ka mga anak nga lalaki nga amo sanday Aaron kag Moises, kag isa ka anak nga babayi nga si Miriam.
Si Aaron may apat ka mga anak nga amo sanday Nadab, Abiu, Eleazar, kag Itamar.
4Ang mga kaliwat ni Eleazar amo ang masunod: Fineas, Abisua, 5Buki, Uzi, 6Zeraias, Meraiot, 7Amarias, Ahitub, 8Sadoc, Ahimaaz, 9Azarias, Johanan, 10Azarias (nga nagaalagad sa Templo nga ginpatindog ni Haring Solomon sa Jerusalem), 11Amarias, Ahitub, 12Sadoc, Sallum, 13Helkias, Azarias, 14Seraya, Josadac. 15Si Haring Nabucodonosor nagtapok kay Josadac upod sa iban nga mga tawo sang Juda kag Jerusalem nga ginpadala sang Ginoo agod manginbihag.
Ang Iban nga mga Kaliwat ni Levi
16Si#Exo. 6:16-19. Levi may tatlo ka mga anak nga amo sanday Gersom, Kohat, kag Merari. 17Ang kada-isa sa ila may mga anak man. Si Gersom amo ang amay nanday Libni kag Simei; 18si Kohat amo ang amay nanday Amram, Izar, Hebron, kag Uziel; 19kag si Merari amo ang amay nanday Mali kag Musi.
20Amo ini ang mga kaliwat ni Gersom: Libni, Jahat, Zimna, 21Joah, Iddo, Zera, kag Jeatrai.
22Amo ini ang mga kaliwat ni Kohat: Aminadab, Core, Asir, 23Elkana, Abiasaf, Asir, 24Tahat, Uriel, Uzias, kag Shaul.
25Si Elkana may duha ka mga anak nga amo sanday Amasai kag Ahimot. 26Amo ini ang mga kaliwat ni Ahimot: Elkana, Zofai, Nahat, 27Eliab, Jeroham, kag Elkana.
28Si Samuel may duha ka mga anak nga amo sanday Joel,#6:28 Ang iban nga dumaan nga pagbadbadJoel (tan-awa man 1 Sam. 8:2); sa Hebreo wala ini nga ngalan. ang magulang, kag Abias, ang manghod.
29Amo ini ang mga kaliwat ni Merari: Mali, Libni, Simei, Uza, 30Simea, Hagia, kag Asaya.
Ang mga Manugdumala sang Musika sa Templo
31Amo ini ang mga tawo nga gintugyanan ni Haring David nahanungod sang musika sa lugar nga ginasimbahan sa Jerusalem, sa tapos mahalin didto ang Kaban sang Kasugtanan. 32Nagbulosbulos sila sa pag-alagad sa Tolda sang presensya sang Ginoo sang wala pa mapatindog ni Haring Solomon ang Templo. 33Ang mga kaliwat sang panimalay nga nag-alagad sa sini nga palangakuan amo ang masunod:
Ang kabarangayan ni Kohat: si Heman, ang pangulo sang nahauna nga grupo sang mga manug-amba, anak ni Joel. Ang iya ginhalinan nga mga panimalay pakadto kay Jacob, kon usisaon amo ang masunod: Heman, Joel, Samuel, 34Elkana, Jeroham, Eliel, Toah, 35Zuf, Elkana, Mahat, Amasai, 36Elkana, Joel, Azarias, Sofonias, 37Tahat, Asir, Abiasaf, Core, 38Izar, Kohat, Levi, Jacob.
39Si Asaf amo ang pangulo sang ikaduha nga grupo sang mga manug-amba. Ang iya ginhalinan nga mga panimalay pakadto kay Levi, kon usisaon amo ang masunod: Asaf, Berequias, Simea, 40Micael, Baaseya, Malquias, 41Etni, Zera, Adaya, 42Etan, Zima, Simei, 43Jahat, Gersom, Levi.
44Si Etan sang kabarangayan ni Merari amo ang pangulo sang ikatlo nga grupo sang mga manug-amba. Ang iya ginhalinan nga mga panimalay pakadto kay Levi, kon usisaon amo ang masunod: Etan, Quisi, Abdi, Malluc, 45Hasabias, Amasias, Helkias, 46Amzi, Bani, Semer, 47Mali, Musi, Merari, Levi.
48Ang ila kapareho nga mga Levita ginhatagan sing iban nga mga katungdanan sa lugar nga ginasimbahan.
Ang mga Kaliwat ni Aaron
49Si Aaron kag ang iya mga kaliwat nagdala sang mga dulot nga insyenso kag nagdulot sang mga halad nga ginsunog sa altar. Sila ang gintugyanan sang tanan nga pagsimba sa Labing Balaan nga Duog kag sang mga halad nga paagi sini ang Dios nagapatawad sang mga sala sang Israel. Ginhimo nila ini tanan suno sa mga sugo nga ginhatag ni Moises, ang alagad sang Dios. 50Amo ini ang mga kaliwat ni Aaron: Eleazar, Fineas, Abisua, 51Buki, Uzi, Zeraias, 52Meraiot, Amarias, Ahitub, 53Sadoc, kag Ahimaaz.
Ang Gin-estaran sang mga Kaliwat ni Aaron
54Amo ini ang duta nga ginhatag sa mga kaliwat ni Aaron, nga naghalin sa mga kabarangayan ni Kohat. Sila ang nakabaton sang nahauna nga bahin sang duta nga ginhatag sa mga Levinhon. 55Nagalakip ini sang Hebron, sa kadutaan sang Juda, kag sang mga halalban sa palibot sini. 56Pero ang mga kaumhan kag mga kabarangayan nga sakop sang siudad ginhatag kay Caleb nga anak ni Jefone. 57-59Ang masunod nga mga banwa ginhatag sa mga kaliwat ni Aaron: Hebron, isa ka siudad nga dalangpan,#6:57-59 SIUDAD NGA DALANGPAN: Kon ang bisan sin-o nga makapatay sing indi hungod makapalagyo sia sa isa sining mga siudad agod indi sia maano sang nagatimalos sa iya (tan-awa ang Jos. 20:1-9). Hatir, ang mga banwa sang Libna, Estemoa, Hilen, Debir, Asan, kag Bet-semes, lakip ang mga halalban sa palibot sini. 60Sa duta ni Benjamin ginhatag sa ila ang masunod nga mga banwa lakip ang ila mga halalban: Geba, Alemet, kag Anatot. Trese tanan ka mga banwa ang mangin-ilistaran para sa tanan nila nga mga panimalay. 61Ang napulo ka mga banwa sa kadutaan sang tribo ni Manases sa Nakatundan ginhatag paagi sa pagabutgabot sa nabilin nga mga kabarangayan ni Kohat suno sa pasunod sang ila mga panimalay.
62Sa kabarangayan ni Gersom, suno sa pasunod sang ila panimalay, ginhatag ang trese ka mga banwa sa kadutaan nanday Isacar, Aser, Neftali, kag sang tribo ni Manases sa Nasidlangan sa Basan. 63Sa amo man nga paagi, ang dose ka mga banwa sa kadutaan nanday Ruben, Gad, kag Zabulon ginhatag sa kabarangayan ni Merari suno sa pasunod sang ila mga panimalay. 64Sa sini nga paagi ang mga tawo sang Israel naghatag sa mga Levita sing mga banwa nga ila pagaestaran, lakip ang mga halalban sa palibot sang mga banwa. 65Ang mga banwa sa kadutaan nanday Juda, Simeon, kag Benjamin, nga nasambit na, ginhatag man paagi sa pagabutgabot.
66Ang iban nga mga panimalay sang kabarangayan ni Kohat ginhatagan sing mga banwa kag mga halalban sa kadutaan ni Efraim. 67Ini nga mga siudad amo ang Siquem, isa ka dalangpan sa mga kabakuloran sang Efraim, Gezer, 68Jocmeam, Bet-horon, 69Ayalon, kag Gat-rimon. 70Sa kadutaan sang tribo ni Manases sa Nakatundan ginhatag sa ila ang mga banwa sang Aner kag Bileam lakip ang palibot nga mga halalban.
71Sa mga panimalay sang kabarangayan ni Gersom ginhatag ang masunod nga mga banwa, lakip ang palibot nga mga halalban:
Sa kadutaan sang tribo ni Manases sa Nasidlangan: ang Golan sa Basan, kag Astarot.
72Sa kadutaan ni Isacar: Ang Kedes, Daberat, 73Ramot, kag Anem.
74Sa kadutaan ni Aser: ang Masal, Abdon, 75Hukok, kag Rehob.
76Sa kadutaan ni Neftali: Ang Kedes sa Galilea, Hamon, kag Kiryataim.
77Sa nabilin nga mga panimalay sang kabarangayan ni Merari ginhatag ang masunod nga mga banwa lakip ang palibot nga mga halalban:
Sa kadutaan sang Zabulon: ang Rimono kag Tabor.
78Sa kadutaan ni Ruben, sa nasidlangan sang Suba sang Jordan sa unhan sang Jerico: ang Beser sa mataas nga patag, Jaza, 79Kedemot, kag Mefaat.
80Sa kadutaan ni Gad: ang Ramot sa Galaad, Mahanaim, 81Hesbon, kag Jazer.
Currently Selected:
1 Mga Cronica 6: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
