1 Mga Cronica 4
4
Ang mga Kaliwat ni Juda
1Ang mga kaliwat ni Juda amo sanday Perez, Hezron, Carmi, Hur, kag Sobal. 2Si Sobal amay ni Reaya, nga amay ni Jahat, nga amay ni Ahumai kag ni Lahad, ang mga katigulangan sang mga tawo nga nag-estar sa Zora.
3-4Si Hur amo ang kamagulangan nga anak sang asawa ni Caleb nga si Efrata, kag ang iya mga kaliwat amo ang nagpasad sang siudad sang Betlehem. Si Hur may tatlo ka mga anak nga amo sanday Etam, Penuel, kag Ezer. Si Etam may tatlo ka mga anak#4:3-4 Ang iban nga dumaan nga mga pagbadbadmga anak; sa Hebreomga amay. nga amo sanday Jezreel, Isma, kag Idbas, kag isa ka anak nga babayi, nga si Hazelelponi. Si Penuel amo ang nagpasad sang siudad sang Gedor, kag si Ezer amo ang nagpasad sang Husa.
5Si Asur, nga nagpasad sang banwa sang Tekoa, may duha ka mga asawa nga amo sanday Hela kag Naara. 6Sia kag si Naara may apat ka mga anak nga amo sanday Ahuzam, Hefer, Temeni, kag Haahastari. 7Si Asur kag si Hela may tatlo ka mga anak nga amo sanday Zeret, Izar, kag Etnan.
8Si Koz amo ang amay ni Anub kag Zobeba, kag ang ginhalinan sang kabarangayan nga mga kaliwat ni Aharhel nga anak ni Harum.
9May isa ka tawo nga ginhingalanan kay Jabes, nga amo ang labing talahuron nga katapo sang iya panimalay. Ginhingalanan sia sang iya iloy, Jabes,#4:9 JABES: Ini nga ngalan pareho sang Hebreo nga pulong nga kon sayuron “kasakit”. tungod kay ang pagpanganak sa iya tama gid kasakit. 10Si Jabes nagpangamuyo sa Dios sang Israel, “O Dios, bendisyuni ako, kag hatagi ako sang malapad nga duta. Ubayi kag tipigi ako sa tanan nga kahalitan kag kasakitan.” Gani ang Dios naghatag sa iya sang iya ginpangayo.
Ang Iban nga mga Listahan sang Panimalay
11Si Caleb, ang utod ni Suha, may isa ka anak nga lalaki nga si Mehir. Si Mehir amo ang amay ni Eston, 12nga may tatlo ka mga anak nga amo sanday Betrapa, Pasea, kag Tehina. Si Tehina amo ang nagpasad sang siudad sang Nahas. Ang mga kaliwat sini nga mga tawo nag-estar sa Reca.
13Si Kenaz may duha ka mga anak nga amo sanday Otniel kag Seraya. Si Otniel may duha man ka mga anak nga amo sanday Hatat kag Meonatai.#4:13 Ang iban nga dumaan nga mga pagbadbadMeonatai; sa Hebreo wala ini nga ngalan. 14Si Meonatai amo ang amay ni Ofra.
Si Seraya amo ang amay ni Joab, nga nagpasad sang Kapatagan sang mga Panday, sa diin ang tanan nga mga tawo sampaton nga mga panday.
15Si Caleb nga anak ni Jefone may tatlo ka mga anak nga amo sanday Iru, Ela, kag Naam. Si Ela amay ni Kenaz.
16Si Jahalelel may apat ka mga anak nga amo sanday Zif, Sifa, Tirias, kag Asarel.
17-18Si Esra may apat ka mga anak nga amo sanday Jeter, Mered, Efer, kag Jalon. Si Mered nagpangasawa kay Bitia, anak nga babayi sang hari sang Ehipto, kag may anak sila nga babayi nga si Miriam, kag duha ka mga anak nga lalaki, nga amo sanday Samai kag Isba. Si Isba amo ang nagpasad sang banwa sang Estemoa. Si Mered nagpangasawa man sang isa ka babayi halin sa tribo ni Juda, kag may tatlo sila ka mga anak nga amo si Jered, ang nagpasad sang banwa sang Gedor; si Heber, ang nagpasad sang banwa sang Soco; kag si Jecutiel, ang nagpasad sang banwa sang Zanoa.
19Si Hodias nagpangasawa sang utod nga babayi ni Naham. Ang ila mga kaliwat nagpasad sang mga kabarangayan sang mga Garminhon, nga nag-estar sa banwa sang Keila, kag sang mga kabarangayan sang mga Maacatnon, nga nag-estar sa banwa sang Estemoa.
20Si Simon may apat ka mga anak nga amo sanday Amnon, Rina, Benhanan, kag Tilon.
Si Isi may duha ka mga anak nga amo sanday Zohet kag Benzohet.
Ang mga Kaliwat ni Sela
21Si Sela isa sang mga anak nga lalaki ni Juda. Ang iya mga kaliwat nagalakip kay Er, ang nagpasad sang banwa sang Leca; si Laada, ang nagpasad sang banwa sang Maresa; ang mga kabarangayan sang mga manughabol sang lino nga nag-estar sa banwa sang Bet-asbea; 22si Joquim kag ang mga tawo nga nag-estar sa banwa sang Cozeba; kag sanday Joas kag Saraf, nga nagpalangasawa sing mga babayi nga Moabnon kag dayon nag-estar sa Betlehem. (Ini mga hitabo sang una nga panahon.) 23Ini sila mga maninihon nga nagaalagad sa hari, kag nag-estar sa mga banwa sang Netaim kag Gedera.
Ang mga Kaliwat ni Simeon
24Si Simeon may lima ka mga anak nga amo sanday Nemuel, Jamin, Jarib, Zera, kag Shaul. 25Ang anak ni Shaul amo si Sallum, ang iya apo amo si Mibsam, kag ang iya apo sa tuhod amo si Misma. 26Dayon halin sa kay Misma, ang mga kaliwat amo sanday Hamuel, Zacur, kag Simei. 27Si Simei may desi-sais ka mga anak nga lalaki kag anom ka mga anak nga babayi, pero diutay lang ang mga kabataan sang iya mga pariente, kag ang tribo ni Simeon wala gid magdamo subong sang tribo ni Juda.
28Tubtob#Jos. 19:2-8. sang panahon ni Haring David ang mga kaliwat ni Simeon nag-estar sa masunod nga mga banwa: Beerseba, Molada, Hasar-sual, 29Bilha, Esem, Tolad, 30Betuel, Horma, Ziklag, 31Bet-markabot, Hazarsusim, Betbiri, kag Saaraim. 32Nag-estar man sila sa lima pa gid ka lugar nga amo ang masunod: Etam, Ayin, Rimon, Toquen, kag Asan, 33kag sa palibot nga mga barangay, tubtob sa nabagatnan-nakatundan sa banwa sang Baalat. Amo ini ang mga listahan nga ila gintago nahanungod sang ila mga panimalay kag sang mga lugar nga ila gin-estaran.
34-38Ang masunod nga mga tawo amo ang mga pangulo sang ila mga kabarangayan:
Mesobab, Jamlec, Josa nga anak ni Amasias, Joel,
Jehu, anak ni Josibias, nga anak ni Seraya, ang anak ni Asiel.
Elioenai, Jaacoba, Jesohaya, Asaya, Adiel, Jesimiel, Benaya,
Ziza nga anak ni Sifi, ang anak ni Allon, isa ka kaliwat ni Jedaya, Simri, kag Semaya.
Tungod sang padayon nga pagdamo sang ila mga panimalay, 39naglapta sila pakadto sa nakatundan tubtob sa lugar nga malapit na gid sa Gerar,#4:39 Ang iban nga dumaan nga mga pagbadbadGerar; sa HebreoGedor. kag ginpahalab nila ang ila mga karnero sa sidlangan nga bahin sang kapatagan sa diin yara ang siudad. 40Didto nakakita sila sing madabong kag maayo nga pahalalban, sa diin malapad ang duta nga malinong kag mahidaiton. Ang mga tawo nga nag-estar didto sang una mga kaliwat ni Ham.
41Sang panahon ni Ezequias nga hari sang Juda, ang nasambit nga mga tawo nagkadto sa Gerar kag ginlaglag ang mga tolda kag mga payagpayag sang mga tawo nga nag-estar didto. Gintabog nila ang mga pumoluyo didto, kag sila amo ang nag-estar, tungod kay madabong didto ang halalbon para sa ila mga karnero. 42Ang 500 sang mga katapo sang tribo ni Simeon nagpadulong sa sidlangan pakadto sa Edom. Ginpangulohan sila sang mga anak ni Isi nga amo sanday Palatias, Nearias, Refaya, kag Uziel. 43Didto ginpatay nila ang nabilin nga mga Amaleknon, kag nag-estar sila didto tubtob karon.
Currently Selected:
1 Mga Cronica 4: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
