1 Mga Cronica 3
3
Ang mga Kaanakan ni Haring David
1-3Ang mga anak ni David nga natawo sang nagaestar pa sia sa Hebron, halin sa kamagulangan, amo ang masunod:
Si Amnon nga ang iya iloy amo si Ahinoam nga taga-Jezreel,
si Daniel nga ang iya iloy amo si Abigail nga taga-Carmel,
si Absalom nga ang iya iloy amo si Maaca nga anak ni Haring Talmai sang Gesur,
si Adonias, nga ang iya iloy amo si Hagit,
si Sefatias nga ang iya iloy amo si Abital,
si Itream nga ang iya iloy amo si Egla.
4Ini#2 Sam. 5:4-5; 1 Hari 2:11; 1 Cron. 29:27. sila tanan nga anom natawo sa Hebron sa sulod sang pito ka tuig kag tunga nga paghari ni David didto.
Sa Jerusalem naggahom sia subong hari sa sulod sang trayntay-tres ka tuig, 5kag#2 Sam. 11:3. madamo pa ang iya mga anak nga lalaki nga natawo didto.
Ang iya asawa nga si Batseba, anak ni Amiel, nagbata sing apat ka mga anak sa kay David: Simea, Sobab, Natan, kag Solomon.
6May siyam pa gid sia ka mga anak nga amo sanday Ibhar, Elisama, Elifelet, 7Noga, Nefeg, Jafia, 8Elisama, Eliada, kag Elifelet. 9Wala labot sini tanan nga mga anak, si David may mga anak pa nga lalaki sa iya mga babayi. May anak man sia nga babayi nga si Tamar.
Ang mga Kaliwat ni Haring Solomon
10Amo ini ang mga kaliwat ni Haring Solomon halin sa amay pakadto sa anak: Solomon, Rehoboam, Abias, Asa, Josafat, 11Joram, Ocozias, Joas, 12Amasias, Azarias, Jotam, 13Acaz, Ezequias, Manases, 14Amon, kag Josias. 15Si Josias may apat ka mga anak nga amo sanday Johanan, Joaquim, Sedequias, kag Joacaz. 16Si Joaquim may duha ka mga anak nga amo sanday Jeconias#3:16 JECONIAS: Ginatawag sia nga Joaquin (tan-awa ang 2 Hari 24:6). kag Sedequias.
Ang mga Kaliwat ni Haring Jeconias
17Amo ini ang mga kaliwat ni Haring Jeconias, nga ginbihag sang mga taga-Babilonia. Si Jeconias may pito ka mga anak nga amo sanday Sealtiel, 18Malquiram, Pedaya, Senazar, Jecamias, Hosama, kag Nedabias. 19Si Pedaya may duha ka mga anak nga amo sanday Zorobabel kag Simei. Si Zorobabel may duha ka mga anak nga lalaki nga amo sanday Mesullam kag Hananias, kag isa ka anak nga babayi nga si Selomit. 20May lima pa gid sia ka mga anak nga amo sanday Hasuba, Ohel, Berequias, Hasadias, kag Jusab-hesed.
21Si Hananias may duha ka mga anak nga amo sanday Pelatias kag Jesaias. Si Jesaias amay ni Refaya, nga amay ni Arnan, nga amay ni Obdias, nga amay ni Secanias.
22Si Secanias may isa ka anak nga amo si Semaya, kag lima ka mga apo nga amo sanday Hatus, Igal, Barias, Nearias, kag Safat. 23Si Nearias may tatlo ka mga anak nga lalaki nga amo sanday Elioenai, Hisquias, kag Azrikam. 24Si Elioenai may pito ka mga anak nga amo sanday Hodabias, Eliasib, Palaya, Akub, Johanan, Delaya, kag Anani.
Currently Selected:
1 Mga Cronica 3: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
