1 Mga Cronica 2
2
Ang mga Kaliwat ni Juda
1Si Jacob may dose ka mga anak nga amo sanday Ruben, Simon, Levi, Juda, Isacar, Zabulon, 2Dan, Jose, Benjamin, Neftali, Gad, kag Aser.
3Si Juda may lima ka mga anak. Sa iya asawa nga si Batsua nga taga-Canaan, may tatlo sia ka mga anak nga amo sanday Er, Onan, kag Sela. Ang iya kamagulangan nga anak nga si Er tama gid kalaut sa bagay nga ginpatay sia sang Ginoo. 4Sa iya umagad nga si Tamar, may duha pa sia ka mga anak nga lalaki nga amo sanday Perez kag Zera.
5Si Perez may duha ka mga anak nga amo sanday Hezron kag Hamul. 6Ang iya utod nga si Zera may lima ka mga anak nga amo sanday Zimri, Etan, Heman, Calcol, kag Dara. 7Si#Jos. 7:1. Acan,#2:7 ACAN: Amo ini ang iya ngalan sa Josue 7:1. Ang teksto sa Hebreo nagatawag sa iya diri nga “Acar” nga ang kahulogan “kalaglagan”. nga anak ni Carmi, isa ka kaliwat ni Zera nagdala sing kalaglagan sa mga tawo sang Israel paagi sa pagkuha sang inagaw nga ginpain para sa Dios, nga kuntani dapat laglagon.
8Si Etan may isa ka anak nga si Azarias.
Ang Panimalay nga Ginhalinan ni Haring David
9Si Hezron may tatlo ka mga anak nga amo sanday Jerameel, Ram, kag Caleb.
10Ang mga kaliwat sang panimalay ni Ram tubtob sa kay Jesse amo ang masunod: Ram, Aminadab, Naason nga isa ka bantog nga tawo sa tribo ni Juda, 11Salmo, Boaz, 12Obed, kag Jesse.
13Si Jesse may pito ka mga anak. Amo ini sila halin sa kamagulangan: Eliab, Abinadab, Simea, 14Natanael, Radai, 15Ozem, kag David. 16May duha man sia ka mga anak nga babayi nga amo sanday Seruya kag Abigail.
Ang anak nga babayi ni Jesse nga si Seruya may tatlo ka mga anak nga lalaki nga amo sanday Abisai, Joab, kag Asael. 17Ang isa niya ka anak nga babayi nga si Abigail ginpangasawa ni Jeter, isa ka kaliwat ni Ismael, kag may anak sila nga si Amasa.
Ang mga Kaliwat ni Hezron
18Ang anak nga lalaki ni Hezron nga si Caleb nagpangasawa kay Azuba, kag may isa sila ka anak nga babayi nga si Jeriot. May tatlo sia ka mga anak nga amo sanday Jeser, Sobab, kag Ardon. 19Sa tapos mapatay si Azuba, ginpangasawa ni Caleb si Efrata, kag may isa sila ka anak nga si Hur. 20Ang anak ni Hur amo si Uri, kag ang iya apo amo si Besalel.
21Sang si Hezron nagaedad sing sesenta ka tuig, ginpangasawa niya ang anak nga babayi ni Maquir, ang utod ni Galaad. May anak sila nga lalaki nga si Segub, 22kag si Segub may anak nga si Jair. Si Jair naggahom#2:22 naggahom: ukonnagpanag-iya. sang baynte-tres ka mga siudad sa kadutaan sang Galaad. 23Pero ang mga ginharian ni Gesur kag ni Aram nag-agaw sang sesenta ka mga banwa didto, lakip ang mga kabarangayan sang Jair kag Kenat, kag ang mga banwa nga malapit. Ang tanan nga mga tawo nga nagaestar didto mga kaliwat ni Maquir, nga amay ni Galaad. 24Sa tapos mapatay si Hezron, ang iya anak nga si Caleb nagpangasawa kay Efrata, ang balo nga asawa sang iya amay. May anak sila nga si Asur, nga nagpasad sang banwa sang Tekoa.
Ang mga Kaliwat ni Jerameel
25Si Jerameel, ang magulang nga anak ni Hezron, may lima ka mga anak. Ang kamagulangan amo si Ram, kag ang iban amo sanday Buna, Oren, Ozem, kag Ahias. 26-27Si Ram may tatlo ka mga anak nga amo sanday Maaz, Jamin, kag Eker. Si Jerameel may isa pa ka asawa nga si Atara, kag may anak sila nga si Onam. 28Si Onam may duha ka mga anak nga amo sanday Samai kag Jada, kag si Samai may duha man ka mga anak nga amo sanday Nadab kag Abisur.
29Si Abisur nagpangasawa kay Abihail, kag may duha sila ka mga anak nga amo sanday Aban kag Molid. 30Ang utod ni Abisur nga si Nadab may duha ka mga anak nga amo sanday Seled kag Apaim, pero si Seled napatay nga wala sing bata. 31Si Apaim amay ni Isi, si Isi amay ni Sesan, kag si Sesan amay ni Alai.
32Si Jada nga utod ni Samai, may duha ka mga anak nga amo sanday Jeter kag Jonatan, pero si Jeter napatay nga wala sing bata. 33Si Jonatan may duha ka mga anak nga amo sanday Pelet kag Zaza. Ini sila tanan mga kaliwat ni Jerameel.
34Si Sesan wala sing mga anak nga lalaki, kundi mga babayi lamang. May suloguon sia nga Ehiptohanon nga si Jarha, 35nga ginpaasaw-an niya sang isa sang iya mga anak nga babayi. May anak sila nga ang iya ngalan si Atai. 36Amo ini ang mga kaliwat ni Atai: Natan, Zabad, 37Eflal, Obed, 38Jehu, Azarias, 39Helez, Elasa, 40Sismai, Salum, 41Jecamias, kag Elisama.
Ang Iban nga mga Kaliwat ni Caleb
42Ang kamagulangan nga anak ni Caleb, nga utod ni Jerameel, amo si Mesa. Si Mesa amo ang amay ni Zif, nga amay ni Maresa, nga amay ni Hebron. 43Si Hebron may apat ka mga anak nga amo sanday Core, Tapua, Requem, kag Sema. 44Si Sema amay ni Raham, kag lolo ni Jorqueam. Si Requem nga utod ni Sema amo ang amay ni Samai, 45nga amay ni Maon, nga amay ni Batzur.
46Si Caleb may babayi nga si Efa, kag may tatlo sila ka mga anak nga amo sanday Haran, Moza kag Gasez. Si Haran may anak man nga si Gasez.
47May isa ka tawo nga si Jadai nga may anom ka mga anak nga amo sanday Regem, Jotam, Gesam, Pelet, Efa, kag Saaf.
48Si Caleb may isa pa gid ka babayi nga si Maaca, kag may duha sia ka mga anak sa kay Caleb, nga amo sanday Seber kag Tirhana. 49Sang ulihi, may duha pa gid sia ka mga anak, nga amo sanday Saaf, nga nagpasad sang banwa sang Madmana, kag si Seva, nga nagpasad sang mga banwa sang Macbena kag Geba.
Wala labot sini, si Caleb may anak nga babayi nga si Acsa.
50Ang masunod mga kaliwat man ni Caleb.
Si Hur amo ang kamagulangan nga anak ni Caleb kag sang iya asawa nga si Efrata. Ang anak ni Hur nga si Sobal nagpasad sang siudad sang Kiryat-jearim, 51ang iya ikaduha nga anak nga si Salma nagpasad sang Betlehem, kag ang iya ikatlo nga anak nga si Haref nagpasad sang Betgader.
52Si Sobal, nga nagpasad sang siudad sang Kiryat-jearim, amo ang ginhalinan sang mga tawo sang Haroe, katunga sang mga pumoluyo sang Menuhot, 53kag sang masunod nga mga kabarangayan nga nag-estar sa siudad sang Kiryat-jearim: ang mga Itrinhon, ang mga Puthanon, ang mga Sumatnon, kag ang mga Misranhon. Ang mga Zoranhon kag ang mga Estaolnon mga kaliwat sini nga mga kabarangayan.
54Si Salma nga nagtukod sang Betlehem amo ang ginhalinan sang mga tawo sang Netofa, sang Atrot-bet-joab, kag sang mga Zorhanon, ang katunga sang duha ka mga kabarangayan sa Manahat.
55Ang masunod nga mga kabarangayan nga maayo magsulat kag magkopya sang mga dokumento nag-estar sa banwa sang Jabes: ang mga Tirahanon, ang mga Simatnon, kag ang mga Sucatnon. Ini sila mga Kenhanon nga nagpalangasawa kag nagpalamana sang mga Recabnon.
Currently Selected:
1 Mga Cronica 2: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
