PINADAYAG 12
12
Ang Babaye ug ang Dragon
1Ug sa kalangitan dihay nagpakita nga usa ka dakong tilimad-on, usa ka babaye nga nagsul-ob ug adlaw. Ang bulan diha ubos sa iyang mga tiil, ug sa iyang ulo dihay usa ka korona nga mga bituon nga napulo ug duha ka buok. 2Siya mabdos ug nagsiyagit tungod sa kasakit sa pagbati, tungod sa kasakit sa pagpanganak. 3#Dan. 7:7. Ug usa pa ka laing tilimad-on nga nagpakita sa kalangitan, dihay usa ka dakong dragon nga pula nga may pito ka buok ulo ug napulo ka buok sungay, ug pito ka buok korona diha sa iyang mga ulo. 4#Dan. 8:10. Ang iyang ikog mikahig sa ikatulo nga bahin sa mga bituon sa langit, ug sila gihulog niini ngadto sa kalibotan. Ug ang dragon mibarog sa atubangan sa babaye nga hapit na manganak, aron iyang tukbon ang bata inigkahimugso na niini. 5#Isa. 66:7; Sal. 2:9. Siya nanganak ug batang lalaki nga mao ang maghari sa tanang kanasoran pinaagi sa bunal nga puthaw, apan ang iyang anak gisakgaw ngadto sa Dios ug ngadto sa iyang trono. 6Ug ang babaye mikagiw ngadto sa kamingawan, diin may dapit nga gitagana sa Dios alang kaniya, diin siya atimanon sulod sa 1,260 ka adlaw.
7 #
Dan. 10:13, 21; 12:1; Jud. 9. Unya nahitabo ang gubat didto sa langit, si Miguel ug ang iyang mga anghel nakiggubat batok sa dragon. Ang dragon ug ang iyang mga anghel nakiggubat usab, 8apan nabuntog sila ug wala nay dapit alang kanila didto sa langit. 9#Gen. 3:1; Luc. 10:18. Ug gitambog ang dakong dragon, ang bitin nga karaan, ang ginganlag Yawa ug Satanas, ang tiglimbong sa tibuok kalibotan—gitambog ngadto sa kalibotan, ug ang iyang mga anghel gitambog uban kaniya. 10#Job 1:9-11; Zac. 3:1. Ug usa ka kusog nga tingog didto sa langit akong nadungog nga nag-ingon, “Karon miabot na ang kaluwasan ug ang gahom ug ang gingharian sa atong Dios ug ang kagahom sa iyang Cristo, kay gikatambog na ang tigsumbong batok sa atong kaigsoonan, siya nga sa adlaw ug sa gabii mao ang nagsumbong batok kanila sa atubangan sa atong Dios. 11Ug sila nagmadaogon batok kaniya pinaagi sa dugo sa Nating Karnero ug sa pulong sa ilang pagpamatuod, tungod kay wala man sila mahigugma sa ilang mga kinabuhi bisan ngadto sa kamatayon. 12Busa paglipay, O kalangitan ug kamo nga mga nagpuyo niini! Apan alaot kamo, O yuta ug dagat, kay diha kaninyo nanaog ang yawa nga puno sa dakong kapungot kay nasayod man siya nga mubo na lamang ang iyang panahon!”
13Ug sa pagtan-aw sa dragon nga diha siya itambog sa kalibotan, iyang gigukod ang babaye nga nanganak sa batang lalaki. 14#Dan. 7:25; 12:7. Apan gihatag ngadto sa babaye ang duha ka mga pako sa dakong agila aron siya makalupad gikan sa bitin ngadto sa kamingawan, sa dapit diin siya atimanon sulod sa usa ka panahon, ug sa mga panahon, ug sa katunga sa usa ka panahon. 15Ug ang bitin mibugwak ug tubig nga daw suba gikan sa iyang baba nga iyang gipaagpas sa babaye aron maanod siya sa baha. 16Apan ang yuta mitabang sa babaye, ug ang yuta miabli sa iyang baba ug iyang gisuyop ang suba nga gibugwak sa dragon gikan sa iyang baba. 17Unya ang dragon nasuko batok sa babaye, ug miadto siya sa pagpakiggubat batok sa tanan nga uban pang mga kaliwat sa babaye, sa mga nagtuman sa kasugoan sa Dios ug nagdala ug pagpamatuod mahitungod kang Jesus.
18Ug ang dragon mibarog#12:18 ang dragon mibarog: Sa ubang karaang sinulat ako mibarog. diha sa baybayon sa dagat.
Currently Selected:
PINADAYAG 12: ABCEB
Highlight
Share
Compare
Copy
Want to have your highlights saved across all your devices? Sign up or sign in
©Philippine Bible Society, 2011
