PINADAYAG 13
13
Ang Duha ka Mananap
1 #
Dan. 7:3;
Pin. 17:3, 7-12. Unya nakita nako ang usa ka bangis nga mananap nga mitunga gikan sa dagat, nga may napulo ka buok sungay ug pito ka buok ulo, may napulo ka buok korona diha sa iyang mga sungay, ug may mapasipalahon nga ngalan diha sa iyang mga ulo. 2#Dan. 7:4-6. Ug ang bangis nga mananap nga akong nakita daw usa ka leopardo, ang iyang mga tiil daw mga tiil sa oso, ug ang iyang baba daw baba sa liyon. Ug kaniya gihatag sa dragon ang iyang gahom ug ang iyang trono ug ang dakong kagahom. 3Usa sa iyang mga ulo daw may samad nga ikamatay, apan naayo ang iyang samad nga ikamatay, ug ang mga tawo sa tibuok kalibotan sa kahibulong misunod sa mananap. 4Ang mga tawo misimba sa dragon tungod kay ang mananap iya mang gihatagan ug kagahom, ug ang bangis nga mananap ilang gisimba nga nag-ingon, “Kinsa bay sama sa bangis nga mananap? Ug kinsa bay makahimo sa pagpakiggubat kaniya?”
5 #
Dan. 7:8, 25; 11:36. Ug ang bangis nga mananap gihatagan ug baba nga naglitok sa mga pulong sa pagpangandak ug pagpasipala, ug siya gitugotan sa paggamit sa iyang kagahom sulod sa 42 ka bulan. 6Ug siya mibuka sa iyang baba aron sa paglitok ug mga pagpasipala batok sa Dios, sa pagpasipala batok sa iyang ngalan, ug batok sa iyang puluy-anan, kanila nga nagpuyo sa langit. 7#Dan. 7:21. Siya gitugotan usab sa pagpakiggubat batok sa mga balaan ug sa pagbuntog kanila.#13:7 Ang bersikulo 7 wala sa ubang karaang sinulat. Ug kaniya gihatag ang kagahom ibabaw sa tanang kabanayan ug katawhan ug pinulongan ug kanasoran. 8#Sal. 69:28. Ug magsimba kaniya ang tanang nagpuyo sa kalibotan, silang tanan nga ang mga ngalan wala masulat sa basahon sa kinabuhi nga iya sa gipatay nga Nating Karnero, sa wala pa mahimo ang tanang butang. 9Ang adunay igdulungog kinahanglang magpatalinghog:
10 #
Jer. 15:2; 43:11. Kon adunay bihagonon,#13:10 bihagonon: sa ubang karaang sinulat, mamihag.
sa pagkabihag mahiadto siya;
kon adunay patyonon#13:10 patyonon: sa ubang karaang sinulat, mopatay. pinaagi
sa espada,
pinaagi sa espada patyon gayod siya.
Mao kini ang paglahutay ug pagtuo sa mga balaan.
11Unya nakita nako ang laing bangis nga mananap nga mitunga gikan sa yuta. Kini may duha ka buok sungay sama sa nating karnero, ug siya misulti sama sa dragon. 12Ang tanang kagahom nga iya sa unang mananap gihimo usab niya diha sa atubangan niini ug gisugo niya ang yuta ug ang mga nagpuyo niini sa pagsimba sa unang bangis nga mananap nga ang samad nga ikamatay naayo. 13Siya naghimo ug dagkong mga milagro, hangtod gani sa pagpakanaog ug kalayo sa yuta gikan sa langit sa atubangan sa mga tawo. 14Ug pinaagi sa mga milagro nga gitugot kaniya sa paghimo diha sa atubangan sa bangis nga mananap, iyang gilimbongan ang mga nagpuyo sa yuta sa pag-agda kanila sa paghimo ug larawan alang sa bangis nga mananap nga nasamad sa espada apan nabuhi. 15Ug gitugot kaniya ang paghatag ug gininhawa ngadto sa larawan sa bangis nga mananap, ug tungod niini ang larawan sa bangis nga mananap makasulti ug makahimo pagpapatay niadtong mga dili mosimba sa larawan sa bangis nga mananap. 16Ug ang mga dili inila ug mga bantogan, mga dato ug mga kabos, mga ulipon ug mga tawong gawasnon, ang tanan iya usab nga gipatikan diha sa tuo nga kamot o sa agtang, 17ug tungod niini walay si bisan kinsa nga makapamalit o makapamaligya gawas niadtong adunay patik, nga mao ang ngalan sa bangis nga mananap o ang numero sa iyang ngalan. 18Mao kini ang kaalam: kaniya nga may salabotan, ipahubad ang numero sa bangis nga mananap, kay kini usa ka numero sa tawo. Ang iyang numero 666.#13:18 666: Ang ubang karaang sinulat nag-ingon, 616.
Currently Selected:
PINADAYAG 13: ABCEB
Highlight
Share
Compare
Copy
Want to have your highlights saved across all your devices? Sign up or sign in
©Philippine Bible Society, 2011
