PINADAYAG 11
11
Ang Duha ka Saksi
1 #
Ezek. 40:3; Zac. 2:1-2. Unya gihatagan ako ug sukdanan nga daw sungkod, ug giingnan ako, “Tindog ug sukda ang Templo sa Dios ug ang halaran ug ang mga nagsimba sa sulod niini 2#Luc. 21:24. apan ayaw sukda ang hawanan sa gawas sa Templo. Pasagdi kana, kay gikatugyan na kana ngadto sa kanasoran, ug ang balaang siyudad ilang yatakyatakan sulod sa kap-atan ug duha ka bulan. 3Ug ang akong duha ka saksi nga nagsul-ob ug mga bisti nga sako, hatagan nako ug kagahom sa pagpropesiya sulod sa 1,260 ka adlaw.”
4 #
Zac. 4:3, 11-14. Kini mao ang duha ka kahoyng olibo ug ang duha ka lamparahan nga nagbarog sa atubangan sa Ginoo sa kalibotan. 5Ug kon may buot modagmal kanila, adunay kalayo nga mogula sa ilang baba ug mohurot sa ilang mga kaaway. Kon may buot modagmal kanila, sa ingon niining paagiha siya patyon. 6#1 Hari 17:1; Ex. 7:17-19; 1 Sam. 4:8. Sila may kagahom sa pagtak-op sa langit aron walay ulan nga moabot sulod sa mga adlaw sa ilang pagpropesiya, ug sila may kagahom ibabaw sa katubigan aron sa paghimo niini nga dugo, ug sa paghampak sa yuta pinaagi sa tanang katalagman, bisan makapila sumala sa buot nila. 7#Dan. 7:7; Pin. 13:5-7; 17:8; Dan. 7:21. Ug sa makatapos na sila sa ilang pagpamatuod, ang pintas nga mananap nga mogula gikan sa kahiladman makiggubat batok kanila ug buntogon niya sila ug pamatyon, 8#Isa. 1:9-10. ug ang ilang mga patayng lawas anha magbuy-od sa kadalanan sa dakong siyudad nga, sa tinago nga pagkasulti, ginganlan ug Sodoma ug Ehipto, diin didto ang ilang Ginoo gilansang sa krus. 9Sulod sa tulo ka adlaw ug tunga, ang mga tawo nga gikan sa katawhan ug sa kabanayan, ug sa mga pinulongan, ug sa kanasoran, magsud-ong sa ilang patayng lawas ug dili nila kini ipalubong. 10Ug sila nga nagpuyo sa yuta maglipay tungod kanila ug magsadya ug maghatagay ug mga gasa, tungod kay kining duha ka propeta nakahatag man ug kasakit ngadto sa mga nagpuyo sa kalibotan. 11#Ezek. 37:10. Apan human sa maong tulo ka adlaw ug tunga, usa ka gininhawa sa kinabuhi gikan sa Dios misulod kanila, ug sila nanindog ug ang mga nakakita kanila giabot ug dakong kalisang. 12#2 Hari 2:11. Unya nadungog nila gikan sa langit ang usa ka kusog nga tingog nga nag-ingon kanila, “Saka kamo ngari!” Ug misaka sila sa langit nga sinapwang sa panganod ug ang ilang mga kaaway nagtan-aw kanila. 13Ug niadtong tungora dihay usa ka dakong linog, ug ang ikanapulong bahin sa siyudad nagun-ob, pito ka libo ka tawo ang nangamatay sa linog, ug ang nahibilin nangalisang ug mihatag ug himaya ngadto sa Dios sa langit.#Pin. 6:12; 16:18.
14Ang ikaduhang kaalaotan milabay na, tan-awa, ang ikatulong kaalaotan moabot na sa dili madugay.
Ang Ikapito nga Anghel
15Unya ang ikapitong anghel mipatingog sa iyang trumpeta, ug sa langit dihay mga kusog nga tingog nga nag-ingon, “Ang gingharian sa kalibotan nahimong gingharian sa atong Ginoo ug sa iyang Cristo, ug siya maghari hangtod sa kahangtoran.”#Ex. 15:18; Dan. 2:44; 7:14, 27. 16Ug ang 24 ka kadagkoan nga naglingkod sa ilang mga trono sa atubangan sa Dios nanghapa ug misimba sa Dios,
17ug sila nag-ingon,
“Nagpasalamat kami kanimo, Ginoong Dios nga Makagagahom sa Tanan, nga mao karon ug kagahapon,
tungod kay gihuptan nimo ang imong dakong gahom ug ikaw naghari.
18 #
Sal. 2:5; 110:5;
Sal. 115:13. Ang kanasoran nangasuko, apan miabot ang imong kapungot
ug ang panahon alang sa paghukom sa mga patay
ug alang sa pagpanghatag ug ganti ngadto sa imong mga sulugoon, ang mga propeta ug mga balaan,
ug ang mga nahadlok sa imong ngalan, mga gagmay ug mga dagko,
ug alang sa paglaglag sa mga tiglaglag sa yuta.”
19 #
Pin. 8:5; 16:18;
Pin. 16:21. Unya nabukas ang Templo sa Dios didto sa langit, ug sulod sa iyang Templo nakita ang sudlanan sa iyang kasabotan ug dihay pagpangilat, kusog nga mga kagahob, mga dalugdog, linog, ug kusog nga pag-ulan ug yelo.
Currently Selected:
PINADAYAG 11: ABCEB
Highlight
Share
Compare
Copy
Want to have your highlights saved across all your devices? Sign up or sign in
©Philippine Bible Society, 2011
