SALMO 3
3
Buntagon nga Pag-ampo
Salmo #2 Sam. 15:13–17:22. ni David, sa dihang miikyas siya gikan kang Absalom nga iyang anak.
1O Ginoo, pagkadaghan sa akong mga kaaway!
Daghan ang mga nakigbatok kanako;
2daghan ang nagsulti mahitungod kanako,
“Walay tabang alang kaniya diha sa Dios.” Selah #3:2 SELAH: Usa ka timaan sa pagbasa o pag-awit sa Salmo apan dili klaro kon unsay gipasabot sa maong timaan.
3Apan ikaw, O Ginoo, mao ang taming libot kanako,
ang akong himaya, ug ang tig-isa sa akong ulo.
4Nagtuaw ako sa makusog ngadto sa Ginoo,
ug siya nagtubag kanako gikan sa iyang bungtod nga balaan. Selah
5Mihigda ako ug natulog;
mimata ako kay ang Ginoo nagsapnay kanako.
6Dili ako mahadlok sa napulo ka libo sa katawhan
nga misulong libot kanako.
7Tindog, O Ginoo!
Luwasa ako, O akong Dios!
Kay ikaw naghampak man sa apapangig sa tanan nakong mga kaaway;
ikaw naghingo sa mga ngipon sa mga daotan.
8Ang kaluwasan iya sa Ginoo;
ang imong panalangin maanaa sa imong katawhan! Selah
Currently Selected:
SALMO 3: ABCEB
Highlight
Share
Copy
Want to have your highlights saved across all your devices? Sign up or sign in
©Philippine Bible Society, 2011
