SALMO 2
2
Hari nga Pinili sa Dios
1 #
Buh. 4:25-26. Ngano nga naglaraw sa pag-alsa ang kanasoran,
ug ang mga katawhan
naghunahuna ug kawang nga mga butang?
2Ang mga hari sa yuta
nagpahiluna sa ilang kaugalingon,
ug ang mga nagmando nagkasabot
batok sa Ginoo ug sa iyang dinihogan, nga nag-ingon,
3“Bugtoon nato ang ilang mga kadena
ug isalibay nato ang ilang mga higot.”
4Siya nga naglingkod sa kalangitan magkatawa;
ang Ginoo magyubit kanila.
5Unya siya mosulti kanila diha sa iyang kaligutgot,
ug lisangon sila sa iyang kapungot, nga nag-ingon,
6“Gibutang nako ang akong hari ibabaw sa Zion, ang akong bungtod nga balaan.”
7 #
Buh. 13:33; Heb. 1:5; 5:5. Imantala nako ang sugo sa Ginoo:
Siya nag-ingon kanako,
“Ikaw mao ang akong anak,
niining adlawa gihimo ko ikaw nga anak.
8Pangayo kanako, ug himoon nako ang kanasoran ingon nga imong panulundon,
ug mapanag-iya nimo ang kinatumyang mga dapit sa yuta.
9 #
Pin. 2:26-27; 12:5; 19:15. Dugmokon nimo sila pinaagi sa sungkod nga puthaw,
ug pulpogon nimo sila sama sa banga sa magkukulon.”
10Busa karon, O mga hari, pagmaalamon kamo;
pagpatudlo kamo, O mga nagmando sa yuta.
11Alagari ang Ginoo uban ang kahadlok;
uban ang pagkurog,
12halok sa iyang tiil,#2:12 pagkurog…tiil: Ang Hebreo lisod sabton.
aron siya dili masuko ug mangahanaw kamo diha sa dalan;
kay ang kapungot niya dali rang mosilaob.
Bulahan ang tanan nga modangop diha kaniya.
Currently Selected:
SALMO 2: ABCEB
Highlight
Share
Copy
Want to have your highlights saved across all your devices? Sign up or sign in
©Philippine Bible Society, 2011
