SALMO 4
4
Pag-ampo Panahon sa Gabii
Ngadto sa pangulong musikero: uban sa tulunggon nga may kuwerdas. Salmo ni David
1Tubaga ako sa diha nga magtawag ako, O Dios sa akong katungod!
Gitabangan nimo ako sa dihang ako anaa sa kalisdanan.
Kaluy-i ako ug pamatia ang akong pag-ampo.
2O katawhan, hangtod kanus-a ba nga ang akong dungog mapakaulawan?
Hangtod kanus-a ba ang inyong paghigugma sa kakawangan, ug ang inyong pagpangita sa mga bakak? Selah
3Apan hibaloi nga ang Ginoo naggahin alang kaniya sa tawo nga diosnon;
ang Ginoo mamati sa diha nga magtawag ako kaniya.
4 #
Efe. 4:26. Kasuko apan ayaw pagpakasala;
pakigsulti kamo sa inyong kaugalingong kasingkasing diha sa inyong higdaanan, ug paghilom kamo. Selah
5Paghalad kamo ug husto nga mga halad,
ug ibutang ang inyong pagsalig diha sa Ginoo!
6Daghan ang mga nag-ingon, “Makakita unta kami ug maayo!
Ibanwag ang kahayag sa imong nawong ngari kanamo, O Ginoo!”
7Nagbutang ikaw ug kalipay sa akong kasingkasing
labaw pa kay sa ilang mabatonan sa panahon nga daghan ang ilang trigo ug ang ilang bino.
8Diha sa kalinaw ako mohigda ug matulog;
kay ikaw lamang, O Ginoo, ang nagpapuyo kanako nga layo sa kakuyaw.
Currently Selected:
SALMO 4: ABCEB
Highlight
Share
Copy
Want to have your highlights saved across all your devices? Sign up or sign in
©Philippine Bible Society, 2011
