MGA HEBREOHANON 1
1
Ang Pulong sa Dios Pinaagi sa Iyang Anak
1Sa daghan ug nagkalainlaing mga pamaagi ang Dios misulti kaniadto ngadto sa atong mga katigulangan pinaagi sa mga propeta. 2Apan niining kaulahiang mga adlaw siya misulti kanato pinaagi sa Anak, nga iyang gitudlo nga manununod sa tanang mga butang, nga pinaagi kaniya usab gibuhat niya ang kalibotan.#1:2 kalibotan: Sa Grego, kapanahonan. 3Siya ang dan-ag sa himaya sa Dios ug tukma nga hulagway sa iyang kinaiya, nagsapnay sa tanang mga butang pinaagi sa gamhanan nga pagpamulong niya. Sa nahimo na niya ang paghinlo sa mga sala, siya milingkod sa tuo sa Halangdon sa kahitas-an, 4ingon nga nahimo siyang labaw kay sa mga anghel, ingon nga ang ngalan nga nadawat niya labaw ka halangdon kay sa ila.
Ang Anak Labaw Kay sa mga Anghel
5 #
Sal. 2:7;
2 Sam. 7:14; 1 Cron. 17:13. Kay kinsa ba nga anghel ang giingnan sa Dios,
“Ikaw akong Anak, karong adlawa ako mahimong imong Amahan”?
Ug usab,
“Kaniya ako mahimong amahan,
ug kanako siya mahimong anak”?
6 #
Deut. 32:43 (LXX). Ug usab, sa pagdala niya sa panganay nganhi sa kalibotan, siya miingon,
“Pasimbaha kaniya ang tanang mga anghel sa Dios.”
7 #
Sal. 104:4 (LXX). Ug mahitungod sa mga anghel siya miingon,
“Siya ang naghimo sa iyang
mga anghel nga mga hangin,
ug sa iyang mga alagad
nga mga nagdilaab nga kalayo.”
8 #
Sal. 45:6-7. Apan mahitungod sa Anak siya miingon,
“Ang imong trono, O Dios, hangtod sa kahangtoran,
ang matarong nga sitro
mao ang sitro sa imong#1:8 imong: Sa ubang karaang sinulat, iyang. gingharian.
9Gihigugma nimo ang pagkamatarong
ug gidumtan nimo ang pagkamalapason;
tungod niana gidihogan ikaw sa Dios,
sa imong Dios, sa lana sa kalipay
labaw kanila nga imong mga kauban.”
10 #
Sal. 102:25-27 (LXX). Ug,
“Ikaw, sa sinugdan, Ginoo, mao ang
nagtukod sa kalibotan,
ug ang kalangitan buhat sa imong
mga kamot;
11sila mangawala, apan ikaw magpabilin;
ang tanan madaan sama sa bisti,
12sama sa kupo sila imong lukoton,
ug sama sa bisti#1:12 sama sa bisti: Wala kini sa ubang karaang sinulat. sila ilisan.
Apan ikaw mao sa gihapon,
ug walay pagkatapos ang imong
katuigan.”
13 #
Sal. 110:1. Apan kinsa ba nga anghel ang iyang giingnan,
“Lingkod dapit sa akong tuo,
hangtod nga ang imong mga kaaway
mahimo nakong tumbanan sa
imong mga tiil”?
14Dili ba silang tanan mga alagad nga espiritu, nga gipadala aron sa pag-alagad, tungod ug alang kanila nga makaangkon sa kaluwasan?
Currently Selected:
MGA HEBREOHANON 1: ABCEB
Highlight
Share
Compare
Copy
Want to have your highlights saved across all your devices? Sign up or sign in
©Philippine Bible Society, 2011
