FILEMON 1
1
1Si Pablo, binilanggo tungod kang Cristo Jesus, ug si Timoteo nga atong igsoon,
Alang kang Filemon nga among hinigugma ug kauban nga magbubuhat, 2#Col. 4:17. ug kang Apia nga atong igsoon, ug kang Arquipo nga among kaubang sundalo, ug sa iglesia diha sa imong balay:
3Ang grasya ug kalinaw gikan sa Dios nga atong Amahan ug sa Ginoong Jesu-Cristo maanaa kaninyo.
Ang Gugma ug Pagtuo ni Filemon
4Sa kanunay nagpasalamat ako sa akong Dios sa diha nga maghisgot ako kanimo sa akong mga pag-ampo, 5kay nakadungog ako mahitungod sa imong gugma ug pagtuo nga imong nabatonan ngadto sa Ginoong Jesus ug sa tanang balaan. 6Nag-ampo ako nga ang pagpakig-ambit sa imong pagtuo maglihok diha sa hingpit nga kahibalo mahitungod sa tanang maayong butang nga atong#1:6 atong: Sa ubang karaang sinulat, imong. naangkon diha kang Cristo. 7Kay akong nabatonan ang dakong kalipay ug kadasig tungod sa imong gugma nga ang kasingkasing sa mga balaan nadasig pinaagi kanimo, igsoon.
Si Pablo Naghangyo Alang Kang Onesimo
8Busa, bisan tuod ug maisogon ako diha kang Cristo sa pagsugo kanimo sa gikinahanglan nimong buhaton, 9apan tungod sa gugma ako maghangyo kanimo. Ako, si Pablo nga gulang na#1:9 gulang na o embahador. ug karon binilanggo usab tungod kang Cristo Jesus, 10#Col. 4:9. naghangyo kanimo mahitungod sa akong anak nga si Onesimo nga nahimong akong anak samtang ako binilanggo. 11Kaniadto siya walay pulos alang kanimo, apan karon siya mapuslanon na alang kanimo ug kanako. 12Gipabalik nako siya nganha kanimo, uban gayod sa akong kasingkasing. 13Buot unta nako siyang hawiran uban kanako aron nga puli kanimo siya mag-alagad kanako panahon sa akong pagkabilanggo tungod sa Maayong Balita. 14Apan dili ako buot nga magbuhat nga walay pag-uyon gikan kanimo aron ang imong kaayo dili mahimo pinaagi sa pagpugos kondili sa imong kaugalingong kabubut-on.
15Tingali mao kini ang hinungdan nga siya gibulag una kanimo sa makadiyot, aron nga sa dayon mahiuli siya kanimo, 16dili na ingon nga ulipon kondili labaw pa sa ulipon, igsoon nga minahal ilabina kanako, ug unsa pa kaha ka labaw gayod kanimo diha sa unod ug diha sa Ginoo. 17Busa kon giisip man nimo ako ingon nga kauban, dawata siya sama sa imong pagdawat kanako. 18Kon siya nakasala man kanimo o nakautang, paningla kini kanako. 19Ako si Pablo, nagsulat pinaagi sa akong kamot. Ako mobayad sa walay paghisgot kanimo nga ikaw nakautang kanako bisan gani ang imong kaugalingon. 20Oo, igsoon, buot nako nga ikaw makatabang diha sa Ginoo. Lipaya ang akong kasingkasing diha kang Cristo.
21Masaligon sa imong pagkamasinugtanon, ako nagsulat kanimo nga nasayod nga ikaw mobuhat gayod bisan ug labaw pa sa akong gisulti. 22Ug andami ako ug kaabotan, kay naglaom ako nga pinaagi sa inyong mga pag-ampo, mahibalik ako kaninyo.
Mga Pangumosta
23 #
Col. 1:7; 4:12. Si Epafras nga akong kaubang binilanggo diha kang Cristo Jesus, nangumosta kanimo, 24#Buh. 12:12, 25; 13:13; 15:37-39; Col. 4:10; Buh. 19:29; 27:2; Col. 4:10; 4:14; 2 Tim. 4:10; Col. 4:14; 2 Tim. 4:11. ug ingon man usab sila si Marcos, Aristarchus, Demas ug si Lucas nga akong mga kaubang magbubuhat.
25Ang grasya sa Ginoong Jesu-Cristo mag-uban sa inyong espiritu.
Currently Selected:
FILEMON 1: ABCEB
Highlight
Share
Compare
Copy
Want to have your highlights saved across all your devices? Sign up or sign in
©Philippine Bible Society, 2011
