MGA HEBREOHANON 2
2
Ang Dakong Kaluwasan
1Busa gikinahanglan nga tagdon pa gayod nato pag-ayo ang mga butang nga atong nadungog, kay basin unya ug maanod kita gikan niini. 2Kay kon lig-on ang pulong nga gipahayag sa mga anghel, ug nahiagom sa angay nga balos ang tanang paglapas o pagsupak, 3unsaon man nato sa pag-ikyas kon dili kita manumbaling sa maong dako kaayong kaluwasan? Kini sa sinugdan gipamulong sa Ginoo, ug unya nganhi kanato gipamatud-an nila nga mga nakadungog kaniya. 4Ug ang Dios usab nagsaksi niini pinaagi sa mga ilhanan ug mga katingalahan ug sa nagkalainlaing mga milagro, ug pinaagi usab sa mga gasa sa Espiritu Santo nga giapod-apod sumala sa iyang kabubut-on.
Ang Nagdala Kanato Ngadto sa Kaluwasan
5Kay ang umaabot nga kalibotan nga atong gihisgotan wala niya ipailalom sa mga anghel.
6 #
Sal. 8:4-6. Sa usa ka dapit dihay nagpamatuod nga nag-ingon,
“Unsa ba ang tawo nga ikaw nagtagad man kaniya,
o ang anak sa tawo nga
ikaw nag-atiman man kaniya?
7Gibuhat nimo siya nga sa makadiyot ubos#2:7 sa makadiyot ubos: o ubos ug diyotay. sa mga anghel,
gipurongpurongan nimo siya ug himaya
ug dungog,#2:7 Ang ubang karaang sinulat nagdugang ug, ug gipahiluna nimo siya sa ibabaw sa mga buhat sa imong mga kamot.
8ug ang tanang butang gipailalom nimo
sa iyang mga tiil.”
Sa dihang gipailalom sa Dios ang tanang butang diha sa pagbuot sa tawo, wala siyay gibilin nga dili ilalom kaniya. Hinuon karon, wala pa nato makita nga ang tanang mga butang nailalom kaniya. 9Apan nakita nato karon si Jesus, nga sa makadiyot gihimo nga ubos#2:9 sa makadiyot gihimo nga ubos o gihimo ubos ug diyotay. sa mga anghel, gipurongpurongan sa himaya ug dungog tungod sa iyang pag-antos sa kamatayon, aron nga pinaagi sa grasya sa Dios makatilaw siya ug kamatayon alang sa matag usa.
10Kay angay gayod kaniya nga alang kaniya ug pinaagi kaniya naglungtad ang tanang butang, nga sa iyang pagdala sa daghang mga anak ngadto sa himaya, iyang hingpiton pinaagi sa mga pag-antos ang nagpasiugda sa ilang kaluwasan. 11Kay siya nga nagbalaan ug sila nga gibalaan managsama ug gigikanan, nga tungod niini wala niya ikaulaw ang pagtawag kanila nga mga igsoon,
12 #
Sal. 22:22. nga nag-ingon,
“Ipahayag nako ang imong ngalan
ngadto sa akong mga igsoon,
taliwala sa mga tinawag#2:12 mga tinawag o Iglesia. dayegon ko ikaw.”
13 #
Isa. 8:17 (LXX);
Isa. 8:18. Ug usab,
“Ako mosalig diha kaniya.”
Ug usab,
“Ania ako, ug ang mga anak nga
gihatag sa Dios kanako.”
14Busa ingon nga ang mga anak nakaambit man sa unod ug dugo, siya gayod usab miambit niini, aron pinaagi sa kamatayon malaglag niya ang may gahom sa kamatayon, nga sa ato pa, ang yawa, 15ug aron maluwas niya silang tanan nga naulipon sulod sa tibuok nilang kinabuhi tungod sa kahadlok sa kamatayon. 16Kay sa pagkatinuod dili alang sa mga anghel ang iyang kahangawa, kondili alang sa mga kaliwat ni Abraham. 17Busa kinahanglan nga mahimo siya nga sama sa iyang mga igsoon sa tanang kahimtang, sa tuyo nga mahimo siyang labawng pangulong pari nga maluluy-on ug kasaligan diha sa pagpangalagad sa Dios alang sa kapasayloan sa mga sala sa katawhan. 18Kay ingon nga siya gayod nag-antos ug gitintal, makahimo siya sa pagtabang kanila nga gitintal.
Currently Selected:
MGA HEBREOHANON 2: ABCEB
Highlight
Share
Compare
Copy
Want to have your highlights saved across all your devices? Sign up or sign in
©Philippine Bible Society, 2011
