Joroma Gima mako kwoŋ kitawo me
Gima mako kwoŋ kitawo me
Kitawo ma Balwa pa Paulo ri Joroma ondiki ma yiko yo ri wendo ma Paulo oyido cano ri kitipa pa jom'oyeyo i Roma. Can pa Paulo oyido obedo ma tic i dier kitipa pa jom'oyeyo kenyo ma hongo moro, aka rumacen gi kony pajo to go medere kadho i Sipeyin. Go ondiko ma tito niaŋ pere kwoŋ yeyo manyakristo gi tim mere ma nyuthere ri kwo pa Jokristo. Kitawo me nitie wac pa Paulo ma kakare kwoŋ mikwenda pere.
Rumacen ma motho ji ma kitipa pa jom'oyeyo i Roma gi waco rijo kwoŋ kwayo pere rijo, Paulo tuco wic wac ma balwa: “Kole Wac Manyen Maber nyutho paka Were ketho ji i tiro gine luwo kwoŋ yeyo, wok i cakirok tundo i gike.” (1:17)
Kenyo Paulo dongo wic wac me. Ji je, Joyuda gi Jopath, ber wotir jo gi Were, kole joje jonitie i meni pa reco. Ji itiro jo luwo i yeyo i Yesu Kristo. Ma luwo, Paulo tito kwo manyen i riwirok gi Kristo ma wok i wat manyen gi Were. Ŋat'oyeyo nitie gi siem gi Were aka Cuny pa Were gonyo go kwoŋ meni pa reco gi tho. I sirin mar'abic tundo i mar'aboro Paulo bende luwo kwoŋ atoŋa ma Cik pa Were gi meni ma Cuny pa Were i kwo pa ŋat'oyeyo. Jamoor lwenyo gi penji ma mako kwoŋ nger ma Joyuda gi Jopath joripo i can pa Were ri dhano. Go cowo ni kwero Yesu gi Joyuda obedo adec kwoŋ can pa Were ma kelo dhano je i nema pa Were i Yesu Kristo, aka go yeyo ni Joyuda jokilakwero Yesu noknok.
Macowe Paulo ndiko kwoŋ nger maber kwo pa Jakristo wobedi, tektek mere kwoŋ maro joman. Go luwo kwoŋ wic wac paka tic ri Were, tic pa Jokristo ri adhum gi wadi jo kodi penji kwoŋ ŋuto. Go cowo balwa gi mikwenda pere won kodi pak ri Were.
Can ma gima nitie i kitawo me
Gima yawo gi wic wac 1:1-17
Yenyo ma both 1:18—3:20
Yo pa Were ma both 3:21—4:25
Kwo manyen i Kristo 5:1—8:39
Isiraili i can pa Were 9:1—11:36
Kula manyakristo 12:1—15:13
Gima cego gi moth pa Paulo 15:14—16:27
Currently Selected:
Joroma Gima mako kwoŋ kitawo me: DHOCDC
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.