Joroma 1
1
1Balwa m'owok bongi Paulo, jatic pa Yesu Kristo kendo jamoor ma Were oyero to lwoŋo fonjo Wac Manyen Maber pere, 2ma Were cango ociko munyo oro jotuci wac pere, t'iketho i Ndiko Maleŋ. 3Me obedo Wac Manyen Maber ma mako kwoŋ Wode, Rwodhiwan Yesu Kristo, m'onywol paka nyakwar Daudi; 4t'inyutho ji ni go obedo Wod Were gi meni madwoŋ mapa Cuny ma kelo leŋo, munyo ocerino go kwoŋ jom'otho. 5I go Were omiyan nema ma bedo jamoor ri Kristo, ŋey atel ji ma nonin je jowoyey odoko jowowinji or. 6Me bende mako win ma winitie Roma, ma Were olwoŋo bedo ji pa Yesu Kristo.
7Am'omiyo andiko ri wijoje ma winitie Roma ma Were omaro to lwoŋo bedo ji pere won.
Weyi Were Bawan kodi Rwoth Yesu Kristo womiy win nema gi siem.
Kwayo ma foyo Were
8Marapena afoyo Were paran, i Yesu Kristo, ri wijoje; rupiri piny gipi winjo kwoŋ yeyo mewin. 9Were nyalo ridho ni gim'awaco obedo adieri; Were no ama atiyo rigo gi cunyan je munyo afonjo Wac Manyen Maber kwoŋ Wode. Were oŋeyo nike ndir je apoyo win, i hongo je ka akwayo. 10Akwayo nike Were i mito pere, i hongo moro womiyan ye thwolo ma limo win. 11Kole ayenyo swa neno win ŋey anyal poko gi win silwany ma cuny, ma medo win meni. 12Dwoŋ mere ni win, kodan, wabino nwaŋo kony kiromo, win i yeyo paran aka an i yeyo mewin.
13 #
Tim 19:21
Poyi win gime wutmera, ndir mathoth ayiko bino limo win, to hongo je gimoro geŋan. Atieko yenyo swa ywayo jomegi i yeyo i dier win bende, paka atieko timo i dier Jopath. 14Kole or omakan matek kwoŋ ji je, kwoŋ jokite mabeyo kodi joreco, kwoŋ jom'ofonjere kodi joma kuya gimoro. 15Am'omiyo ayenyo swa fonjo win bende ma winitie Roma Wac Manyen Maber.
Meni pa Wac Manyen Maber
16 #
Mar 8:38
Kole ageno swa Wac Manyen Maber, rupiri obedo meni pa Were ma botho ji je ma joyeyo, marapena Joyuda, aka nyaka Jopath bende. 17#Hab 2:4Kole Wac Manyen Maber nyutho paka Were ketho ji i tiro gine luwo kwoŋ yeyo, wok i cakirok tundo i gike. Ato randik waco ni, “Ŋat'okethi i tiro gi Were bino kwo gi yeyo.”
Reco pa dhano
18Were otieko nyutho ni keme pere bino wok i polo to lwenyo gi reco je kodi tim pa ji mareco ma royo pajo mareco geŋo adieri ŋeyirok. 19Were miyo jo gir'acula rupiri gima ji jonyalo ŋeyo kwoŋ Were nitie kamaler rijo. 20Wok cuka Were cwey piny, kada go won kinenere i meni pere ma cil gi cil kodi i kite ma nyawerewere, gima nyutho ni go nitie nenere i gigipiny ma go ocweyo. Am'omiyo dhano ongoye kodi gigoŋirok! 21#Efeso 4:17-18Ji joŋeyo Were, to jokimiy go dwoŋ pere, kendo kada temo foyo go ni walwa. Kucel, paro pajo olokere masisiri aka paro pajo ma kitiy m'odoŋ mudho otieko poŋ'iye. 22Jowaco ni joriek, to kere jomiŋ ayin; 23#Cik 4:16-18kama di jolami Were makitho, jolamo rigin gim'othedhi i cal pa dhano ma tho, kosa apa winyin, kosa ap'ogwaŋe kosa apa thwole ayino.
24Paka ji jomiŋ ameno, Were ojala jo jowotimi gigipiny mareco ma cuny jo yenyo, aka jotimo gigipiny ma kelo wickwot i del pajo, ŋatiman gi nyawote. 25Jowilo adieri kwoŋ Were gi twodo; jolamo aka jotiyo ri gima Were ocweyo kapa lamo Jacwec won, m'iripo pako cil gi cil. Ameno.
26Paka ji jotimo gime, Were ojala jo to weyo jo ri awanya ma kelo wickwot. Kiri mon bende jowiro or ma delkwoŋ gin munyo joweyo riwirok i del i yo m'otire to joriwere wegi kendi gin, m'obedo yo ma k'otire. 27Ameno, cwo bende joweyo riwirok gi mon paka ndir je, to joowere g'awanya kwoŋ cwo wadi gin. Cwo jotimo wickwot gi cwo wadi gin, am'omiyo Were miyo jo gir'acula ro ndir, ro tim pajo mareco no.
28Paka ji jokwero ketho i paro pajo rieko mar'adieri ma mako kwoŋ Were, go onyo ojala jo ri paro m'otop, ma miyo jo timo gim'oyido jokiripi timo.
29Jopoŋ gi kidakana ma nger je: Raco, woro, kodi camo tiendi ji gi piny. Jopoŋ gi nyeko, neki, gorok, twodo, gi paro marac. Jonyeko nyingi wadi gin, 30aka joluwo kicar kwoŋ ji; jodak Were, joyetere, jobedo jopakirok, jokwoto; joparo yo m'omore ma timo reco; aka jokiwinji jonywol pajo; 31jodakana, jokikur cikirok pajo, jokinyuthi wor odoko jokidew kwoŋ nyatoro. 32Joŋeyo kiri ni cik pa Were waco ni ji ma kwo pajo cale ameno joripo gi tho, to je fodi nyaka jomedere ameda gi timo gigipiny no won; aka maloyo raco: Jofoyo joman ma bende jotimo ameno.
Currently Selected:
Joroma 1: DHOCDC
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
