Zabuli 21
21
Pak ma loyo
1Kere fore i meni perin, Awi Rwoth,
aka yodere kwoŋbedo imiyo go loyo.
2Imiyo go gima cunye mito,
t'idwoko kwac pere.
3Ibino bonge gi silwany madwoŋ,
t'ijengo sangaria ma zahabu i wiye.
4Go okwayin kwo, t'imiyo go,
kwo mabor ma cil gi cil.
5Ikonyo go bedo ŋatadwoŋ,
imiyo go ŋeyirok gi dwoŋ.
6Silwany perin nitie gi go cil gi cil
aka bedo perin cegin gi go miyo go kisangala.
7Kole kere ketho geno pere i Rwoth,
aka ro mar pa Rwoth makiwire,
go k'oyengere.
8Kere bino mako jokwor pere je,
go bino mako ji je ma jodak go.
9Go bino reyo woko jo paka mac maliel,
ka onenere.
Rwoth bino reyo woko jo i keme pere,
aka mac lakisika woko jo.
10Ongoye nyikway jo ma jolaboth,
kere laneko woko joje.
11Jotimo can pajo, aka jociko go,
to jokibino nyalo.
12Go bino celo asere pere kwoŋ jo,
to miyo jo wirok ringo.
13Wapakin Rwoth, ro meni perin madwoŋ!
Wabino wero ka wapako meni perin.
Currently Selected:
Zabuli 21: DHOCDC
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
