Zabuli 20
20
Kwayo ma loyo
1Rwoth wodwokin i ndelo ma teko!
Nyingi Were pa Yakobo wokwonga in!
2Rwoth wodhiri rin kony wok i Ot pa Were,
aka wothielin wok i got Zayon.
3Rwoth wopoy mic perin je,
aka wosangala gi cowirok perin je.
4Womiyin gima cunyin mito,
aka wokethi can perin je wotundi i kare.
5Weyi wakok gi kisangala ri loyo perin
aka watiŋ bendera mawan i nyingi Were mawan.
Weyi Rwoth wodwoki kwac perin je.
6Onyo aŋeyo ni Rwoth miyo loyo ri kere pere m'oyero,
dwoko go wok i polo maleŋ,
aka miyo go loyo madwoŋ gi meni pere.
7Jomegi joketho noro i cawilin
aka jomegi i kayina,
to noro mawan nitie i nyingi Rwoth Were mawan.
8Kiti ji no jobino cer to jopodho,
to wan wabino ay to wacungo m'ocwiny.
9Miy kere loyo, Awi Rwoth,
dwoki wan ka walwoŋo.
Currently Selected:
Zabuli 20: DHOCDC
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
