Zabuli 19
19
Dwoŋ pa Were i cwec
1Polo nyutho dwoŋ pa Were,
aka wodho kamaler tic ma cingi Were.
2Kisi ndelo langa ri nyawote,
kisi wor luda ri nyawote.
3Luwo kosa wac ongoye,
ongoye mayindo ma winjere,
4kucel mikwenda pajo winjere ri piny gibe,
aka winjere kiri i gike piny.
Were otimo peco ri waŋceŋ i polo
5 #
Rom 10:18
ma wok odikin paka jamweha,
paka jaŋwec m'omaro swa ŋwec.
6Cako liel i gike acel ma polo
aka ŋado kadho i gike ca.
Ongoye gima nyalo pondo kwoŋ lietho pere.
Cik pa Rwoth
7Cik pa Rwoth ongoy'iye komo,
miyo meni manyen.
Gima Rwoth waco genere,
miyo rieko ri ji ma jongoye gine.
8Cik pa Rwoth otire,
aka ji ma jokuro josangala.
Or pa Rwoth cil
miyo niaŋ ri nyaŋith.
9Lworo Were ber,
bedo cil gi cil.
Thumo banja pa Rwoth otire,
bedo i kare noknok.
10Ber loyo zahabu,
kiri zahabu macil,
mit loyo mo kic,
kiri mo kic mar'apedo.
11Miyan, ŋeca perin rieko,
aka nitie kemba madwoŋ i kuro.
12To ŋa manyalo neno komo pere?
Bothan, Awi Rwoth, kwoŋ komo m'opanere!
13Gwokan bende kwoŋ timo reco m'aŋeyo,
ikir'iwey jowothuman.
Kenyo abino bedo m'ongoye apuse,
aka m'agonyere kwoŋ raco ma timo reco.
14Weyi wac ma wok i dhokan gi paro ma cunyan,
wobedi ma yere ruwaŋin,
Awi Rwoth, tele paran aka jaboth paran!
Currently Selected:
Zabuli 19: DHOCDC
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
