Zabuli 17
17
Kwayo pa ŋata bubanja
1Awi Rwoth, winji ywak paran ri tiro,
ciki ithin ri ywak paran ri kony,
ciki ithin ri kwayo paran mar'adieri.
2Ibino thumo banja i thenge paran,
kwoŋbedo iŋeyo gim'otire.
3Makada nende ikaŋasa cunyan,
makada nende ibin bongan wor,
makada nende ikaŋasa an kicutho,
ikibino nwaŋo kwoŋan kidakana,
dhokan kiluw reco.
4Akiluw gimarac paka joman.
Atieko luwo or perin,
aka akiluwo yo pa jor'akaka.
5Noknok awotho i yo perin,
aka tiendan fodi k'ocer.
6Alwoŋin kwoŋbedo iladwokan, Awi Were,
miyan ithin, winji wac paran.
7Nyuthi ji perin mar perin makiwire,
Awi jaboth pa jono ma jodwaro kapondo,
kwoŋ jokwor pajo i cingin maracuc.
8Kwonga an paka nyangil waŋin,
kanan i tipo ma bwombin,
9kwoŋ jokidakana ma jomonjan.
Jokwor ma jonek jothokan,
10jongoye gi wor
aka joluwo gi noro.
11Jothokan pama, kisi kam'awir'iye,
jorango hola ma redhan piny.
12Jocale simbwor ma dwaro yeco gimoro,
jomito yecan mathindho thindho.
13Ay, Awi Rwoth, imonji jokwor paran aka ikengila jo.
Bothan kwoŋ jokidakana g'abor perin,
14bothan kwoŋ ji ma jonitie gi gima jomito je i kwo me.
Miy jo gir'acula gi candirok m'ikano rijo,
weyi wotundi kiri kwoŋ nyithindho pajo ma romo,
aka man wodoŋ ri nyikway jo!
15To paka ri an, kwoŋbedo angoye gi komo, abino nenin,
aka k'acew, bedo perin bino miyan kisangala.
Currently Selected:
Zabuli 17: DHOCDC
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
