Zabuli 16
16
Kwayo ma ywomo cuny
1Awi Were, kwonga an,
kole apondo i in.
2Awaco ri Rwoth ni, “Ibedo Rwoth paran,
angoye gi bero kwanyo woko in.”
3Paka ri ji pa Were ma jonitie i piny,
jo ama jonitie gi dwoŋ mar'adieri m'aworo.
4Jono ma joyero were man,
jomedo rem pajo.
Akibino kidho i cowirok pajo,
kosa tuco nyingi jo gi dhokan.
5Rwoth, in kende a gim'anitie gine,
aka miyan kisi gim'ayenyo,
kwo paran ma yuwiye nitie i cingin.
6Nga mic perin ran ma gir'aura,
nga jober!
7Apako Rwoth ma miyan rieko,
aka cunyan gwokan wor.
8Noknok aŋeyo nike Rwoth nitie kodan,
go nitie cegin, aka ongoye gima yengan.
9Riameno cunyan yodere,
aka adundo paran fore
awinjo ni anitie i siem,
10 #
Tim 13:35
kwoŋbedo ikiweyan kadho i piny pa jom'otho,
kosa ikibino weyan neno bur.
11 #
Tim 2:25-28
Ibino nyuthan yo ma kelo kwo,
kisangala opoŋ ruwaŋin,
aka cingin maracuc kelo kisangala ma cil gi cil.
Currently Selected:
Zabuli 16: DHOCDC
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
