Zabuli 15
15
Gima Were mito
1Awi Rwoth, ŋa m'odonji i wema perin?
Ŋa m'olam i Zayon got perin maleŋ?
2Ŋata woth pere ongoye apuse,
aka timo gim'otire,
Ŋata luwo adieri wok i cunye,
3aka kisegeya joman.
Ŋata kitim gimarac ri mere pere,
kosa kiywoy pokopoko kwoŋ jager pere.
4Ŋata waŋe cayo jokidakana,
to woro jono ma jolworo Rwoth.
Ŋata ciko Were timo gimoro,
aka kiwir paro pere.
5Ŋata kopa ji pesa m'ongoye magowa,
aka kinyew go waco twodo kwoŋ ŋata bubanja.
Ŋata timo gigipiny me bino bedo m'ocwiny.
Currently Selected:
Zabuli 15: DHOCDC
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
