Zabuli 14
14
Kidakana pa dhano
(Zab 53)
1 #
Rom 3:10-12
Jomamiŋ jowaco i cuny gin ni,
“Were ongoye.”
Joje jodakana
aka jotimo gimienirok,
ongoye kwoŋ jo ŋata timo bero.
2Rwoth ŋiyo ji gi polo,
neno ka nitie ji mogo ma jotimo gi rieko,
ma jodwaro Were.
3To joje jorwenyo,
joje jodakana marom.
Ongoye ŋata timo bero
be, ongoye kad'acel.
4Rwoth penjo ni, “Jokiŋey?
Ji ma jotimo reco me je jongoye gi rieko?
Jocamo ji paran paka jocamo mugat,
aka jokikway Rwoth.”
5To kenyo jobino bwok,
kole Rwoth nitie gi luse ji ma jotimo tiro.
6Winyalo redho woko can pa jocandi,
to Rwoth obedo kapondo pajo.
7Kabedi both bin ri Isiraili
wok i Zayon!
Yakobo lasiemere, Isiraili lakisangala
ka Rwoth omiy jo kiyindira i gima jotimo kendo!
Currently Selected:
Zabuli 14: DHOCDC
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
