Baroma 5
5
Khuuba Bakwalaafu isi Wele
1Nashiryo khukhwaama nga khufukiilila ni khukhukalusa ifwe khuuba bakwalaafu, ari khuli ni lukoosi isi Wele, khubirira mu Mukasya weefwe Yezu Kristu. 2Khwafuna kumukhoosi khubirira mu Kristu, kukukhwolisa ifwe khu bweela bwa Wele, mweesi khwimile aluno ari. Nalundi khusangaalila mu khwiyikina khweesi khuli ni nakhwo, khulwe khukabananila atweela khu shiriifwa sha Wele. 3Ne ishili isho shonyene ta. Ni shishindi shili khusangaalila mu khutaambisibwa khweefwe, khulwekhuba khutaambisibwa khureera khukhwikhaliilikha. 4Nga ni khumanyile, khukhwikhaliilikha khureera bunyindaalifu. Ni bunyindaalifu bureera khukhwiyikina. 5Khukhwiyikina khuno sikhukhumalamo ifwe kamaani ta, khulwekhuba Wele watsukha khukana khweewe mu myoyo kyeefwe, khubirira mu Mwoyo Umukhosefu isi akhuwa ifwe.
6Khulwekhuba ifwe fwabeene ni khwaba nga si khuli ni buyeeti ta, imbuka isi Wele akhalawo yoola, Kristu wafwa khulwe baboonaki. 7Shili shishiindu shihangafu umuundu khuufwa khulw'omundu ukuundi, akhaba nga ali umukwalaafu. Khurusakho ndi nga abe umuundu ali umulayi, winyoola ukuundi anyala wehanayo khuufwa khulweewe. 8Ne Wele akhwokesanisa ifwe nga n'akhukana. Khulwekhuba ifwe ni khwaba nga khushiili baboonaki, Kristu wafwa khulweefwe. 9Nashiryo khukhwaama ni khubalibwa khuri khuli bakwalaafu khulwe kamafuki keewe, khuminyisilawo ilala alikhuwonesa ifwe khukhwaama isi lirima lya Wele. 10Khulwekhuba ni khwaba nga khuli basiku isi Wele, umweene wakhukalusa ifwe khuuba basaale beewe, khubirira mu khufwa khw'Omwaana weewe. Ne noola ari khuli basaale ba Wele, khuliwonesebwa khubirira mu bulamu bwa Kristu. 11Ne seshili isho shonyene ta. Nalundi khusangaalila mu Wele khulw'Omukasya weefwe Yezu Kristu, uwakhukalusa ifwe khuuba basaale ba Wele.
Adamu ni Kristu
12 #
Rak 3.6; Makh 2.24 Nga khukhwoneka ni khweetsa mu shiibala khulw'omundu mutweela, ni khufwa nakhwo khweetsa khulwe khukhwoneka. Nashiryo khufwa nakhwo khwamalatana khu baandu boosi, khulwekhubeela babaandu boosi boonaka. 13Ilala khukhwoneka khwaba mu shiibala nga khushiili khuweebwa Kamakaambila ta, ne imbaawo abe ubalikha ari wakholile shishonako ta. 14Ne shitweela busa, khukhwaama khu bifukhu bya Adamu khukhwolisila ilala khu bifukhu bya Musa, khufwa khwawula babaandu boosi, akhaba ni naabo boosi babakhonaka nga Adamu n'oneka ta. Adamu aba abe afwana nga umuundu uyo abe wutsya khwiitsa.
15Ne byoombi sibifwaanana ta. Shiwaanwa sha Wele sheesi akaba busa seshifwanana ni khukhwoneka khwa Adamu ta. Ne noola shili sha ŋali shiri babaandu bakali baafwa khulwe khukhwoneka khw'omundu mutweela, shiba ni sha ŋali khuminyisawo shiri bubweela bwa Wele bubufuura, nga bubirira mu mundu mutweela nga niye Yezu Kristu, bweetsa isi babaandu mu bukali nga shiwaanwa sha busa. 16Nalundi, shiwaanwa sha Wele sha busa seshifwanana ni shishonako sh'omuundu mutweela tsana ta. Khulwekhuba lwanyuma lwe shishonako shitweela, abawo khukhala kumusaango, khukhwaloma khuri, “Kumusaango kwakhufuurire.” Ne lwanyuma lwe bibyonako bikali, etsawo shiwaanwa sha busa shishikila khwabalibwa nga bakwalaafu. 17Shili shituufu shili khulwe khukhwoneka khw'omundu mutweela, khufwa khwamalatana khulw'omundu mutweela uyo. Ne bibyaama mwisho, nga bikholebwa n'umuundu mutweela nga niye Yezu Kristu, biminyisakho awo. Abo boosi babaafuna bubweela bwa Wele bukali nga shiwaanwa baabalibwa khuuba bakwalaafu, baliba bawuli mu bulamu bwoosi khulwe khubirira mu Kristu.
18 #
2 Esid 7.11
Nashiryo khukhwaama nga khukhwoneka khw'omundu mutweela ni khwareerera babaandu boosi khubakhalila kumusaango, buryo nabwo buraambi bw'omundu mutweela bwareera bukhosefu, shireerera babaandu boosi khurusibwakho kumusaango, shabareerera khuuba ni bulamu. 19Nga ni shili khulwe bumiinyi bw'omundu mutweela bakali bekyela baboonaki, nasho shiba ndi khulwekhuba umuundu mutweela s'aba ni bumiinyi ta, shakila bakali bashuusibwa khuuba bakwalaafu.
20Baareerawo kamakaambila bari nio khukhola bibyonako khwiloosele. Ne khukhwoneka ni khweloosela, bubweela bwa Wele nabwo bweloosela ni khuminyisawo. 21Nashiryo nga bye bubwonaki ni byaba ni kamaani ke buwuli khubirira mu khufwa, bubweela bwa Wele nabwo bwaba ni buwuli khubirira mu bukwalaafu, nga bukhuyila ifwe mu bulamu bubukhawawo ta, khulwa Yezu Kristu, Umukasya weefwe.
Currently Selected:
Baroma 5: LCE
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.
