Malaki Khukhwaantsula
Khukhwaantsula
Shiitabo sha Malaki sharonebwa mu mbuka iyaba nga babaandu be mu Yuda babafuura buukali, abe baakobolaka khukhwaama mu bubowe bweesi baaba nga balimo, mu Babulooni. Lwanyuma aabirawo imbuka ifwiiti iri, Ezira ni Nehemiya nabo baakobola. Mu mbuka iyo, abe babaandu baamala khaale khukhwoombakha Lisaayilo buyaakha, nga basaayi bayilamo luundi bawaanayo tsisaayilo isi Umukasya. Babaandu baaba nga babira mu bihangafu biikali naabi, shaakila baarusayo kimyooyo kyaabwe, nga babona bari biseera byaabwe bye mu moni bili biibi naabi. Nga basaayi atweela ni babaandu boosi, sibeesamo Umukasya shiriifwa nga abe ni baakhila khuukhola ta; ikhaba Lisaayilo abe si baliisamo shiriifwa ta. Abe bawaanayo tsisaayilo tsitsikhafukiilisibwa khuuwaanibwayo isi Umukasya ta, naluundi abe si baloondelela kamakaambila ka Wele ta. Abe babirisa bataambi buubi, naluundi abe basaani baloba bakhasi baabwe ni bayila babaandi. Shino nisho shishakila Umukasya waarumana umwakaanisi weewe khuukukuula ari, “Umukasya umweene akheetse khuupyeluusa babaandu beewe.”
Inoondekhana iye bibiilimwo
Bibyoonako bye ba Isiraeli 1.1—2.16
Khuukhalawo khwa Wele, ni shiisa sheewe 2.17—4.6
Currently Selected:
Malaki Khukhwaantsula: LCE
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.