Malaki 1

1Buno nibwo buurume bweesi Umukasya aawa Malaki, ari aboolele babaandu be mu Isiraeli.

Khuukana khw'Omukasya isi ba Isiraeli

2 # Roma 9.13 # Isay 34.5-17; 63.1-6; Yer 49.7-22; Ezek 25.12-14; 35.1-15; Amos 1.11,12; Obad 1.1-14 Umukasya aloma ari, “Ba Isiraeli, ise Umukasya, imbakana inywe naabi. Ne inywe mwireeba muri, ‘Umukasya akhukana ifwe musaambo shiina?’ Muli ni khuushebulila muri Esau abe ali wandaaye uwa kuuka weenywe Yakobo. Ne ise nakhalawo, naarobora khuukana Yakobo, 3mu shifwo sha Esau. Waakila ise nashuusa liloba lye bikiingi mweesi lisaaye lya Esau limenya, khukhwikela busuumbu, mweesi tsisolo tse mwirome bimenya.”

4Ikhaba nga be lisaaye lya Esau, babaamenya mu Edomu baloma bari, “Khwaamanyile khuri biriimba byeefwe byaamala khaale khukhwoonakisibwa. Ne shitweela busa khukheelemo khwiyoombakhe bushaakha.” Ne ise Umukasya inoma indi, “Abe bakheesamo boombakha bushaakha, ne ise ikhaaboonakise luundi, khukhwoolisa babaandu babaandi balome bari, babaandu be shibala isho bali baboonaki kila Umukasya akhaakamisa khuubakhalalila ta.”

5Inywe ba Isiraeli nga mwaaboone bino mukhaalome busa muri, “Ikhaba mu bibala bibiikhali bye ba Isiraeli ta, Umukasya okesanisa kamaani keewe.”

Umukasya ekiitsa basaayi

6Umukasya alikho alomela basaayi ari, “Busheele babaana beesamo paapa waabwe shiriifwa; ikhaba umuraambi esamo umukoosi weewe shiriifwa. Bona ise ndi paapa weenywe, naluundi indi umukoosi weenywe, khulwashiina kila mukhaantsisamo ise shiriifwa? Inywe mundeekelesa ise, ate mwashuukha mwereeba muri, ‘Ne khumulekelesa mu saambo shiina?’ 7Inywe muwaanayo tsisaayilo tsye kumusilo khu sheeso shase. Mukhola bino ne shitweela busa mwereeba muri, ‘Ne Umukasya khumuwaambisa kamaŋaanyu musaambo shiina? Uutsi shisheeso sh'Omukasya nasho nisho shiina?’ 8#Maka 15.21Inywe mwambaasa muri muba simwaakholile bibyoonako, ni mureera shishaayo shishafwa tsiimoni, namwe shishiili shilwaale, namwe shishalemala, mwashiwaanayo isi ise nga isaayilo ta? Khakakho muyilile gafana weenywe bibyaayo nga bibyeene ibyo, mubone oba binyala byaamusangaasa khubone! Bibyaayo nga ibyo binyala byaakila waabawa inywe buyeeti?”

9Inywe basaayi, ari ni muloombe Umukasya, akhuwaambile ifwe shiisa. Ne nga muli ni biwaanwa bibifwanana nga ibyo, mwambaasa muri kane abenaanekho?

10Umukasya aloma ari, “Ise nikoomba ndi abe uri ikhabawo mutweela khus'iinywe, utsya weekalawo kimilyaango kye Lisaayilo lyase, alekha khuubawo na mutweela khuutsya khuuwaambisa kumulilo kukuukhalimo kumukaso ukwo ta, khu sheeso shase! Basaayi, inywe byeesi mukhola, sibisangaasa ise ta; ise singane nakaanile biwaanwa byeesi mureera ta. 11Khukhwaama mamilimili khukhwoolisa inyaanga n'iikwa, kamanaambo koosi khu shibala karuuya lisina lyase. Buli aandu oosi, bantsokhela ise bubaani, naluundi bandeerera biwaanwa bibifukiilisibwa. 12Ne ikhaba inywe mumubeele basaayi, mwandekelesa ise nga muloma muri, ‘Umukasya naye nisho shiina? Ikhaba tsisaayilo tsino sitsilimo liisuno ta.’ 13Inywe mwiilomela muri ise imbaluwisa busa, waakila mwantsyuluusa ise. Mu shifwo she khuureera biwaanwa bibifukiilisibwa, inywe mureera shishaayo sheesi beebile busa, namwe shishiili shiileme, namwe shishiili shilwaale. Inywe mwambaasa muri ise ifukiilisa biwaanwa nga bibyeene ibyo? 14Umuundu uuli ni bibyaayo mu litaala lyeewe bibifukiilisibwa khuwaanibwayo isi Umukasya, ne wawaanayo ibyo bibikhafukiilisibwa ta, kane afune shiitsubo. Khulwekhuuba ise ndi Umuyiinga uwe angaaki naabi, naluundi babaandu boosi beesamo lisina lyase lukoosi.”

Currently Selected:

Malaki 1: LCE

Highlight

Copy

Compare