Baheburania 10
10
Isaayilo ya Kristo imalila ilala
1Khukhwaama nga kamakaambila ka Musa ni kali shishiniini busa she bibiindu bibiitsya khwiitsa, akhuba shifwaani shisheene sha ŋali ta, sikanyala kapyeluusa ibo babeetsa khukhwisaaya ni tsisaayilo tsikhashuukhakho tseesi bawaanayo buli busheele, buli mwiiko ta. 2Lwekhuuba kamakaambila kaba kakanyala kasiinga bibyoonako khali bibiwaanibwayo byakhwakamisibwa khuwaanibwayo? Lwekhuuba babesaaya Wele iba nga babaŋoonebwela ilala bibyoonako byaabwe kumuluundi mutweela, khali sibewulila luundi mu myoyo kyaabwe bari bali babonaki ta. 3Ne mu bibiwaanibwayo bino, mulimo bibikhebusa babaandu bibyoonako byaabwe bya buli mwiiko. 4Lwekhuuba kamafuki ke tsiwuunwa ni tsimbusi sikanyala khurusawo bibyoonako ta.
5 #
Zab 40.6-8
Ni lwe lomo yino, Kristo n'etsa mu shiibala, akanikha isi Wele ari,
“Biwongebwayo ni biwaanwa s'ubikana ta,
ne njeeba kumubili kweesi waŋoonaŋoonela ise.
6Shiwikhoyela biwaanwa lwe silikakha
namwe bibiwongebwayo lwe bibyoonako ta.”
7Nio Kristo tsana waloma luundi ari,
“O Wele, ise ndi ano uyusi,
netsile khukhola byeesi ukana,
nga ni baarona bibimaamba khus'iise mu burone bwe kamakaambila.”
8Khunyoowa Kristo aloma ari, “Siwasiima namwe siwekhoyela biwaanwa namwe bibiwongebwayo, ni bibyokhebwa lwe silikakha ta, ni nebyo bibiwaanibwayo lwe khuurusawo bibyoonako ta,” ikhaba nga bino byawaanibwayo nga kamakaambila ni kaloma lwe bibyoonako.
9Luundi ndi waaloma ari, “O Wele, ise ndi ano uyusi, neetsile khuukhola byeesi ukana.” Shino Kristo aashiloma lwekhuuba niye aarusawo tsisaayilo tsitsanyoowa, nio arewo isaayilo iyeewe umweene. 10Ni lwe khuukana ukhwo, ifwe khwayikela bakhosefu lwe khuubirira mu khuwaanibwayo khwe kumubili kwa Yesu Kristo, kumuluundi mutweela kwonyene khulwa boosi.
11 #
Luky 29.38
Ne buli musaayi emikha buli shifukhu nga akhola kumulimo kweewe kwe bubwakaanisi, nga awaanayo buli busheele bibiwongebwayo bye saambo niyo ndweela bibikhanyala khuurusawo bibyoonako ta. 12#Zab 110.1Ne Kristo niye aawaanayo isaayilo indweela yonyene lwe bibyoonako bya ndaalo tsoosi, lwanyuma wekhala aasi khu mukhono kumulayi kwa Wele, 13nga aliinda khukhwoolesa basiku beewe ni balikalusibwa khuuba shitsoloŋo she khuulaambisakho bikyele byeewe. 14Lwekhuuba lwe isaayilo yeewe indweela yonyene, Kristo waayikesa abo boosi beesi areera isi Wele, khuuba bakhosefu.
15N'Umwoyo Umukhosefu naye akhuweelakho bujulisi khu lomo yino. Khunyoowa nga aloma ari,
16 #
Yer 31.33
“Eyino niyo indakaano yeesi intsya khukhola ni nabo,
lwanyuma lwe mbuka iyo.
Ise samweene indiira kamakaambila kaase mu myoyo kyaabwe,
luundi indikarona mu byambaaso byaabwe.”
17 #
Yer 31.34
Luundi aloselakho ari,
“Shindishebulila luundi bibyoonako byaabwe,
ni biibi byeesi bakhola ta.”
18Ne awo aba khukhwiyakhila bibyoonako, sishikaniwa luundi she khuwoonga lwe khurusawo bibyoonako ta.
19Ni nashiryo be buulebe, ifwe khuli ni lukoosi khukhwinjila mu shifwo shifuura bukhosefu, khulwe kamafuki ka Yesu, 20khuubirira mu ntsila imbya ikhuyila mu bulamu. Naluundi intsila yino inamu niyo yeesi Yesu akhwikulilawo mu ngubo inandiitse, niyo kumubili kweewe.
21Naluundi khukhwaama nga ni khuli n'umusaayi ufuura bukhulu ulolelela intsu ya Wele, 22#Lev 8.30; Ezek 36.25khakhwisyeende aambi ni Wele ni kumwoyo kwa ŋali ni khufukiilila khwa ŋali, ni kimyoyo kyeefwe atweela ni kimibili kyeefwe nga kyamalilile khusiingiwa ni kameetsi kamakwalaafu khurusawo bibyambaaso biibi. 23Lekha khuwandalalile mu khwiyikina khweefwe khweesi khwafukiilila akhali khuyengaana ta, lwekhuuba Wele uwakhulomela niye ali umwiyikinwa. 24Naluundi khakhwaambaase khubone isaambo yeesi khunyala khwekhupilisamo khukanana ni khukhola bulayi. 25Ifwe khukhakamisa khubuusana atweela nga babaandi ni bakhola ta, ne khakhuwaangasane fwenyene na fwenyene, ni khufuurakho nga ni mubona ndi shifukhu sh'Omukasya shili aambi khukhwoola.
26Ne ni khuŋalilamo khwoneka lwanyuma lwe khumanya bwa ŋali, mbaawo luundi shishiwaanibwayo shishiramileyo she khuwoonga lwe bibyoonako ta. 27#Isay 26.11Khurusakho khuurya isho shishiramileyo shishiitsya khwiitsa nikwo kumusaango, ni kumulilo kwe kamaani kukulihesa ibo babaakhaandisa Wele. 28#Maka 17.6; 19.15Umuundu yeesi uwaminyalila kamakaambila ka Musa eribwa akhali khuwaambilwa shiisa ta, khukhwiimikha khu bajulisi babili namwe bataru. 29#Luky 24.8Ne shiliiba shiryeena isi muundu ulekelesa Umwaana wa Wele, wamura aasi ebikyele byeewe? Uyo ukhenaanayo khu mafuki ke ndakaano kakaamureerera bukhosefu, naluundi wakhoma Umwoyo we bubweela? Yambaasa khu shitaambiso shishaakhila umuundu uyo. 30#Maka 32.35; Maka 32.36Ifwe khwaamanya Wele uyo uwaaloma ari, “Khuusasula khukhwase, ise indiliha.” Naluundi waaloma ari, “Umukasya alikaya babaandu beewe.” 31Shili shishiindu shishiriisaka naabi khuukwa mu mikhono kya Wele umulamu.
32Ni mushebulile bifukhu bibyabira lwanyuma lwe buwaanga khubamulikhila nga ni mwatsiinisibwa ni bibiindu bikali, ne mwekhalilikha. 33Imbuka ikiindi mwakhomewa luundi mwakubyeengebwa mu lubuula, mu mbuka ikiindi mwemikha atweela ni naabo babataambisibwa. 34Naluundi mwawaambila shiisa ibo babaaba mu bubowe, mwafukiilila ni kumwikhoyo khurusibwakho bibiindu byeenywe lwekhuuba mwabeene mwaba mwaamanyile nga ni muli ni bibiindu bibifuura bulayi luundi bibimenyawo.
35Ni nashiryo mukhatuuma kumwiyikino kweenywe ta, lwekhuuba kuli ni shiwaanwa shikhulu. 36Inywe shibakhila khukhwikhalilikha nio nga mwakholile sheesi Wele akana, mulifuna sheesi abalomela. 37#Habk 2.3,4Nga ni shiloma luundi shili,
“Lwekhuuba ishiramayo imbuka injeekhe iri,
uyo uuli khukhwiitsa abe woolile,
singane ekhalayo ta.
38Ne umukwalaafu wase aliiba mulamu lwe khufukiilila,
ne nakobolayo inyuma,
kumwoyo kwase sikumwikhoyela ta.”
39Ne ifwe sikhuli batweela khuubo babelayo inyuma mu khuhela ta. Ne khuli batweela khuubo babafukiilila, lwe khuwonesa buulamu bweefwe.
Currently Selected:
Baheburania 10: LPE
Highlight
Copy
Compare
Share
Want to have your highlights saved across all your devices? Sign up or sign in
The Bible in Lumasaaba © Bible Society of Uganda, 2016.
