Popular Bible Verses from Baheburania 10

Share

Ifwe khukhakamisa khubuusana atweela nga babaandi ni bakhola ta, ne khakhuwaangasane fwenyene na fwenyene, ni khufuurakho nga ni mubona ndi shifukhu sh'Omukasya shili aambi khukhwoola.

Naluundi khakhwaambaase khubone isaambo yeesi khunyala khwekhupilisamo khukanana ni khukhola bulayi.

Lekha khuwandalalile mu khwiyikina khweefwe khweesi khwafukiilila akhali khuyengaana ta, lwekhuuba Wele uwakhulomela niye ali umwiyikinwa.

Inywe shibakhila khukhwikhalilikha nio nga mwakholile sheesi Wele akana, mulifuna sheesi abalomela.

khakhwisyeende aambi ni Wele ni kumwoyo kwa ŋali ni khufukiilila khwa ŋali, ni kimyoyo kyeefwe atweela ni kimibili kyeefwe nga kyamalilile khusiingiwa ni kameetsi kamakwalaafu khurusawo bibyambaaso biibi.

Ni nashiryo mukhatuuma kumwiyikino kweenywe ta, lwekhuuba kuli ni shiwaanwa shikhulu.

Ne ni khuŋalilamo khwoneka lwanyuma lwe khumanya bwa ŋali, mbaawo luundi shishiwaanibwayo shishiramileyo she khuwoonga lwe bibyoonako ta. Khurusakho khuurya isho shishiramileyo shishiitsya khwiitsa nikwo kumusaango, ni kumulilo kwe kamaani kukulihesa ibo babaakhaandisa Wele.