Yiila 148

148

1Pak Naawen. Pak Naawen a nyini wenŋmazuk, pak wa ŋmazuk niŋniŋŋa. 2Pak wa, wa Wen maarɔma meena, pak wa, wa ŋan baai meena ale bo wenŋmazuk la. 3Pak wa, wenbiri ale chiiga, pak wa, chiŋmari sii meena ale a nyaksi la. 4Pak wa, fi wenŋmazukku niŋniŋŋa ale nya tii ale bo wenzukku la. 5Basi ate ba pak Naawen yuenni, diila wa biisi kama ate ba jam. 6Wa pai ba basi ka ba jiŋŋa taam wuu, wa te ka luelik kaai ale kaa taamu.

7Pak Naawen a nyini tɛŋzuk de, nama nyakpiemu ŋantaŋa ale nyakpientaŋa liuŋtaŋa, 8nyaksika ale viok, ŋmoruk tana ale chiŋma, va pagrisa ale a zuli wa biik, 9nama guuta ale pina, yɔna tiisa ale nyunyoŋta meena, 10gɔi duŋsa ale niiga meena, ŋan fiisa ale nuin sii ale a yiri, 11tɛŋka nalima ale tɛŋsa meena, nama nabisa ale tɛŋka kpaga meena, 12nidoa paaluk ale dɔklieba, nidoa kpagsa ale bisa.

13Basi ate ba pak Naawen yuenni, ka wa yuenni nyiini ale a yiti, wa nalimu a yalima gaam tɛŋka ale wenzukku a bo ŋmai. 14Wa basi ate wa tɛŋka a pagra kama, ayen wa nuruma a pak wa, Izirali demma, baai ate wa a yaali nna yegayega la. Pak Naawen.

Currently Selected:

Yiila 148: BWU

Highlight

Compare

Copy