Yiila 149

149

1Pak Naawen. Yi yipaali a te Naawen, wa pimpaukku wa nuruma tuka po.

2Basi ate Izirali sui peenti ba Nyeerɔwa nyiŋ, basi ate Zayon nuruma a ta suipeentik ba Naawa nyiŋ. 3Basi ate ba pak wa yuenni ale gɔgta ba pai sinyaksa ale kpanuŋ a nak yiila a te wa. 4Naawen a mariŋ wa nuruma kama, wa a vuk baai ale a yik badek la zuima ale ka varibasika. 5Basi ate wa nuruma a ta suipeentik zulaŋa dɛ nyiŋ abe ba a yi suipeentik yiila ba gaduataŋa zuk.

6Wen pimpaukku a bo ba noa po, abe gebik nɔi ŋaye a bo ba nisima po, 7ate ba tuni tɛŋsa abe ba namsi nuruba, 8abe ba bobi ba nalimaŋa ale chɔrima, ale nuru baai ale ta zula la ale kuta, 9a ta buusa ŋaai ate ba ŋmarisi a ta chaab ale ba la a nyini. Wa bisaŋa zulaŋa meena ale nna. Pak Naawen.

Currently Selected:

Yiila 149: BWU

Highlight

Compare

Copy