Yiila 146

146

1Pak Naawen. M chiiga, pak Naawen. 2Mi ale pak Naawen m boka po meena, m le yi yiila a pak m Wenni, m le tɔlim boro la.

3Kan pai fi sebchakka a basi nabisa zuwa, nurubiik zuwa, waai ale kan baga a vari a basi. 4Ba chiisaŋa a dan basi ba, ba a ŋmani a cheŋ ka tɛŋka, dai dila danni dek ba zɔŋŋa ka kinla.

5Suipeentik a bo le ka waai maarɔ ale chim Jekob Wenni la, waai yiila ale bo le Naawen, wa Wenni la, 6waai ale wenzuk ale tɛŋ, ale nyakpiemu, ale jaab meena ale bo ba po la Nyeerɔ, Naawen dii ale ta wensie taam wuu la. 7Wa bo a te baai ate ba a namsi la kama, ale a te kɔm ale ta baai la ŋandiinta. Naawen a vari ligrɔba a basi kama. 8Naawen a te yeeba nyaasim. Naawen a zak baai ale lo la a zaani. Naawen a yaali wayɔrisima nyama. 9Naawen a nya nichamma zuk ale a maari kpiŋsa ale pukɔga, alege a kaasi wabaata nyama suita.

10Naawen a dɛ wa naamu kama taam wuu, nama Wenni, Zayon po a te gaŋsa meena a cheŋ. Pak Naawen.

Currently Selected:

Yiila 146: BWU

Highlight

Compare

Copy