Yiila 141

141

1Naawen yaa, mi a wi fi kama, jam m jigi nwuli. Wom mu ase m nin wi fu. 2Basi ate m puusaŋa a nye ase ŋan baai nyum ale masa la, mi ale a zak m nisaŋa diila a nye ase ka junɔi kaabka la.

3Naawen yaa, basi ate waai a gani m nɔnni, a limisi m nɔngbanvaataŋa. 4Kan basi ate m suinummu a cheŋ biem jigi ya, ate m maa nye wabaata ale nuru baai ale ka nuru baata, kan basi ate mi a maa dɛ ba ŋandiinta tiŋŋa.

5Basi ate wayɔrisima nyɔnɔwa a fɔbi mu, ku ka jiirim, basi ate wa toariŋ mu, ka kpaam ale kpiiri m zuk po. Mi zukku a kan zɛri bu. Alege mi puusi kama a kaasi biem nyama tuimaŋa. 6Ba kpaŋŋa ba le yuk ba ate ba nyini ka pinaŋa zuk a jam lo, ate wabaata nyama a miŋ ayen mi wieŋa mi biisi ka chekki. 7Ba weeni ayen, <<Ase waai ale a kpa a labri tɛŋka diila, ti kobaŋa ba kati ŋa waaŋ ka vɔrumu nɔi.>>

8Alege mi nina a kpi ka fi nyiŋ, Nyɔnɔwa waai ale ka Naawen yaa, fi waai ale ta pagrim la. Fi jigi ate mi a suk, kan pai mu a te kummoa. 9Yeeri mu bari tii ate ba bari mu la po, bari tii ate biem nyam a bari. 10Basi ate wabaata nyama a lo badek neesaŋa po, alege ate mi a taam sɔŋsɔŋŋoa.

Currently Selected:

Yiila 141: BWU

Highlight

Compare

Copy