Yiila 142

142

1Mi a wi ka Naawen a yaali maarika, mi a saalim wa kama. 2Mi ta m fɔbilika meena a jam ka wa jigi, mi weeni wa kama m daanika meena.

3Mi dan moata siateka, wa seba mi ale m nye diila kama. Suik kuui po ate mi a cheŋ la, mi dachaasaŋa a pai ka baruk a suk ku po a magsi mi. 4Mi dan cheem nya mi gauŋ, waai a karo a maari mu, waai a karo a lik mu. Nuru niŋ a ka mi po.

5Naawen yaa, mi a wi fu kama a yaali maarika. M weeni ayen, <<Fi ale mi ligrɔ, fi nyiini ale waai ate mi a yaali m boka po.>> 6Wom m le wi a yaali maarika la, mi siŋ bo ka daanika po. Vari mu m dachaasaŋa jigi a basi, ba pagra ka yega a te mu. 7Vari mu m likka po a basi, ate m pak fi yuenni. Ate wayɔrisima nyama tigsi a gilim mu fi wamaŋsaŋa ate fi nye te mu la nyiŋ.

Currently Selected:

Yiila 142: BWU

Highlight

Compare

Copy