Josua 16

1Josefi charuku a piilim nyini ka Jodan ale bo Jeriko la, Jeriko nyaataŋa kori geŋsa a nyini dula a cheŋ gɔnni po a jo Betel tɛŋka ate guuta a bo ka po la. 2A zaani Betel a ga paari Luz tɛŋka a ga va Atarot Addar Arki demma tɛŋsaŋa, 3a churinti a siŋ Jaflet demma tɛŋsaŋa yeniŋ geŋsa a ta a siŋ Bet Yoron tɛŋka. Ale ŋman nyini Gezer a ga kpeglim Nyakpiemu.

4Josefi ŋaaŋbisaŋa Ɛfraim ale Manasa dɔkku ale bo yeniŋ geŋ la a jam tuesi tɛŋka de kama a tara. 5Ɛfraim dɔkku ale jam bo kabi tii la ale nna: Ba tɛŋka bani a jam nyinika Atarot Addar tɛŋka kori geŋsa a jueli va Bet Yoron tɛŋka. 6A zaani dula a cheŋ nyakpiemu. Mikmetat a ale bo Wiilukku geŋsa la, di viriŋ kori geŋsa a ga paari Taanat Siilo tɛŋka a va di tɛŋ a cheŋ Janoa ale bo kori geŋ la. 7A nyini Janoa a ga va Atarot ale Naaraya a taam paari Jeriko a yaa ga kpeglim Jodan benni. 8Tɛŋka banni a nyini Tappua yeniŋ geŋsa a ga va Kanaya Vooliŋka a yaa ga kpeglim Nyakpiemu. Tɛŋka de ale ba jam pai te Ɛfraim dɔkku yezuk yezuk ate ba tara. 9Di jam maa gum chaab ale ka tɛŋ fiik sii ale maa bo Manasa tɛŋka po la alege Ɛfraim demma a soa si la.

10Alege ba an jam a yiak Keenan demma baai ale jam bo Gezer la ate ba nyini ya, ate Keenan demma a bo ale Ɛfraim demma a paari jinla de, Ɛfraim demma jam fɛ ba kama ate ba a tom fifiok tuima.

Currently Selected:

Josua 16: BWU

Highlight

Copy

Compare